Dav Dav Gaming បង្ហើបប្រាប់ឧបសគ្គមិនអាចភ្លេចបានមុនក្លាយខ្លួនជា Streamer

2021-01-15 02:25:23
ព័ត៌មាន

2021-01-15 02:25:23
ចំនួនមតិ 0 | ចំនួនចែករំលែក 0

ចន្លោះមិនឃើញ

Dav Dav បានចាប់អាជីពជា Streamer នៅដើមឆ្នាំ 2018 ដោយសារដឹងខ្លួនថាចាប់ផ្តើមចូលចិត្តការលេងហ្គេមតាំងពីពេញវ័យមកបានធ្វើឲ្យខ្លួនមានទេព្យកោសលខាងលេងហ្គេមនិងមានពាក្យសម្ដីចាក់ទឹកមិនលេចជាមួយហ្វេនគ្រប់ពេលឡាយម្ដងៗ។

ធ្វើជា Streamer ដំបូងៗ Dav Dav បានប្រាប់ពីបញ្ហាដែលធ្លាប់ជួបប្រទះ គឺថាមានឧបសគ្គធំៗដែលមិនអាចបំភ្លេចបានគឺនៅពេលឡាយហ្គេមម្ដងៗ គ្មានអ្នកគាំទ្រ ទី២ អៀនច្រើន ចំណុចនេះចង់មានន័យថានៅពេលឡាយលើដំបូងមិនហ៊ានទាំងនិយាយស្ដីច្រើន និងទី៣ ក្នុងសង្គមគេមើលមកយើងថាជាមនុស្សមិនបានការលេងតែហ្គេមនៅផ្ទះ។

ជាកូនអ្នកខេត្តសៀមរាប Dav Dav ក្រៅពីលេងហ្គេមបានប្រាប់ពីចំណង់ចំណូលចិត្តផ្សេងទៀតដូចជា Research ( YouTube ,Website ) និងស្វែងរកចំណេះដឹងថ្មីបន្ថែមទាក់ទង់ជាមួយការងារប្រចាំថ្ងៃ។ បច្ចុប្បន្ន Dav Dav បានបញ្ចប់ការសិក្សាហើយតែបែរជាមកធ្វើជាអ្នក Streamer ដើម្បីដើរតាមក្ដីស្រមៃរបស់ខ្លួនដែលស្រលាញ់តាំងពីតូចៗមក។

ក្រៅពីអាជីព Streamer បច្ចុប្បន្ន Dav Dav ក៏មានមានក្តីស្រមៃធំមួយគឺចង់ក្លាយទៅជាអ្នកអធិប្បាយហ្គេមនៅតាមកម្មវិធីប្រកួតមួយចំនួន ព្រោះឃើញថានាពេលបច្ចុប្បន្ននៅកម្ពុជាមានកម្មវិធីប្រកួតហ្គេម (កីឡា Esport) ធំៗលំដាប់ពិភពលោកច្រើន ដែលធ្វើឲ្យកញ្ញាចាប់ផ្ដើមចាប់អារម្មណ៍ខ្លាំងលើអាជីពមួយនេះ។

ទំនាក់ទំនងជាមួយគ្រួសារមិត្តភក្តិ Dav Dav ថាមិនមានអ្វីប្លែកទេក្រោយពេលចាប់អាជីពជា Streamer នេះដោយមានការប្រាស្រ័យទាក់ទងនៅតែល្អដ៏ដែល។ ទោះបីជាក្នុងមួយថ្ងៃកញ្ញាបានធ្វើការឡាយហ្គេមច្រើនរហូតដល់ ៤ ទៅ ៦ម៉ោង តែកញ្ញាក៏នៅតែមិនភ្លេចស្វែងរកអ្វីថ្មីពីការ Research មើល YouTube ឬក៏ Website ដែលជាប្រភពចំណេះដឹងបន្ថែម។

ក្រៅពី Streamer Dav Dav ក៏មានអាជីពអ្នកលក់ Online មួយរូបផងដែរ។ ដោយសារការស្រលាញ់ចូលចិត្តនិងនៅតែឲ្យហ្វេនបន្តគាំទ្រទៀ ក្នុងអាជីពStreamer នេះ កញ្ញានៅតែបន្តរហូត លើពីនេះ Dav Dav ក៏មានគម្រោងបន្ថែមក្រៅពី Streamer គឺចង់ក្លាយជា Youtube ឬ អ្នកអធិប្បាយហ្គេមមួយរូប។

Dav Dav ក៏បានបង្ហាញអារម្មណ៍ពីអាជីពមួយនេះ ទៅកាន់អ្នកលេង Game ក៏ដូចជា Streamer មិនទាន់ជោគជ័យថា កុំចុះចាញ់កុំបាក់ទឹកចិត្តត្រូវតែស៊ូៗ ដើម្បីសម្រេចក្ដីស្រមៃនិងអាជីពដែលខ្លួនស្រលាញ់ និងត្រូវលេងហ្គេមឲ្យមានប្រយោជន៍ ហើយចងឲ្យអាណាព្យាបាល ដែលមានកូនស្រលាញ់អាជីពនេះសូមបើកចិត្តទទួលយកនូវអ្វីដែលពួកគាត់កំពុងធ្វើកុំទាន់រារាំងក្ដីសុបិន្ដរបស់ពួកគាត់៕