- 2021-01-12 01:57:39
- ព័ត៌មាន
Black Shark 4 អាចសាកថ្មពេញក្នុងពេលមិនដល់ ១៥នាទី
- 2021-01-12 01:57:39
- ចំនួនមតិ 0 | ចំនួនចែករំលែក 0
Black Shark 4 អាចសាកថ្មពេញក្នុងពេលមិនដល់ ១៥នាទី
ចន្លោះមិនឃើញ
បើតាមការបញ្ជាក់របស់នាយកប្រតិបត្តិនៃម៉ាកទូរសព្ទ Black Shark ដែលជាម៉ាកសាខារបស់ Xiaomi បានឲ្យដឹងថា Black Shark 4 នឹងបង្ហាញវត្តមានជាមួយបច្ចេកវិទ្យាសាកថ្ម 120W ដែលអាចសាកថ្មទំហំ 4500mAh របស់វាបានពេញក្នុងពេលមិនដល់ ១៥នាទីឡើយ។
វានឹងជាការអភិវឌ្ឍន៍ថ្មីមួយប្រសិនបើធៀបនឹងស្មាតហ្វូនដំបូងរបស់ Xiaomi ដែលប្រើបច្ចេកវិទ្យាសាកថ្មកម្លាំង 120W។ តាមការសាកល្បង Xiaomi Mi 10 Ultra អាចសាកថ្មពេញបានក្នុងពេល ២៦នាទី ជាមួយថ្មដែលមានទំហំ 4500mAh។ Black Shark 4 ទំនងជាមានប្រព័ន្ធបញ្ចុះកម្ដៅប្រសើរជាងមុន ដែលអាចផ្ដល់ជូនលទ្ធផលដ៏អស្ចារ្យនេះ។
ក្រៅពីទំហំថ្ម និងល្បឿនសាកថ្ម គេមិនទាន់ដឹងអ្វីច្រើនទៀតអំពីស្មាតហ្វូន Gaming ជំនាន់ថ្មីរបស់ Black Shark នៅឡើយទេ។ យ៉ាងណាក្ដីគេជឿជាក់ថាវានឹងមានបំពាក់ដោយបន្ទះឈីប Snapdragon 888 ដែលជាជំនាន់ចុងក្រោយរបស់ Qualcomm៕
