- 2021-01-11 08:02:59
- ព័ត៌មាន
ខែក្រោយនឹងមានទូរសព្ទប្រើឈីប Snapdragon 888 ដែលលក់តម្លៃមិនដល់ ៥០០ដុល្លារ
- 2021-01-11 08:02:59
- ចំនួនមតិ 0 | ចំនួនចែករំលែក 0
ខែក្រោយនឹងមានទូរសព្ទប្រើឈីប Snapdragon 888 ដែលលក់តម្លៃមិនដល់ ៥០០ដុល្លារ
ចន្លោះមិនឃើញ
Redmi K Series គឺជាត្រកូលស្មាតហ្វូនប្រភេទ Flagship សម្រាប់ Redmi ដោយចាប់ផ្ដើមដំបូងពី Redmi K20 Pro ក្នុងឆ្នាំ ២០១៩ និងបានបន្តដល់ Redmi K30 Pro ក្នុងឆ្នាំ ២០២០។ នាពេលនេះ Redmi បានបញ្ជាក់ថានឹងមានវត្តមាន Redmi K40 នៅឆ្នាំ ២០២១ នេះ។
លោក Lu Weibing ជាអ្នកគ្រប់គ្រងទូទៅនៅ Redmi បានបញ្ជាក់លើ Weibo ថា Redmi K40 នឹងចេញមុខនៅខែក្រោយនេះ ដោយវានឹងមានតម្លៃចាប់ផ្ដើមពីប្រមាណ ៤៦៣ដុល្លារនៅប្រទេសចិន។ តម្លៃនេះគឺនឹងមានមកជាមួយនូវបន្ទះឈីប Snapdragon 888 និងថាមពលថ្មទំហំ 4000mAh ផងដែរ។
តម្លៃនេះមានគឺដូចគ្នានឹង Redmi K30 Pro ដែលលក់នៅប្រទេសចិនកាលពីមុនដែរ ដែលវាធូរថ្លៃជាង Xiaomi Mi 11 (ប្រមាណ ៦១៧ដុល្លារ) ដែលជាស្មាតហ្វូនដំបូងគេប្រើឈីប Snapdragon 888៕