- 2021-01-05 07:27:45
- ផលិតផលថ្មី
ទូរសព្ទស៊េរី ២០២១ ដំបូងគេរបស់ Xiaomi តម្លៃចាប់ពី ២៨៧ដុល្លារ
- 2021-01-05 07:27:45
- ចំនួនមតិ 0 | ចំនួនចែករំលែក 0
ទូរសព្ទស៊េរី ២០២១ ដំបូងគេរបស់ Xiaomi តម្លៃចាប់ពី ២៨៧ដុល្លារ
ចន្លោះមិនឃើញ
ក្រោយពីបានប្រកាសចេញ Xiaomi Mi 11 កាលពីចុងឆ្នាំ ២០២០ កន្លងទៅរួចមក នាពេលនេះ Xiaomi បានបង្ហាញចេញស្មាតហ្វូនស៊េរីឆ្នាំ ២០២១ ដំបូងគេរបស់ខ្លួន សម្រាប់លក់លើទីផ្សារប្រទេសឥណ្ឌាជាមួយតម្លៃចាប់ពី ២៨៧ដុល្លារ។
Xiaomi Mi 10i មានបំពាក់អេក្រង់ LCD ទំហំ ៦,៦៧អ៊ីញ ដែលមាន Refresh Rate ប្រភេទ Adaptive ល្បឿន 120Hz។ អេក្រង់នេះអាច Refresh បានក្នុងល្បឿន 30Hz, 48Hz, 50Hz, 60Hz, 90Hz និង 120Hz។ វាក៏អាចបង្ហាញរូបរាងភាពក្នុងកម្រិត 2400x1080 FHD+ ដែលអាចគាំទ្រនូវ HDR និង HDR10+ បានផងដែរ។ ទាំងខាងមុខនិងខាងក្រោយនៃ Mi 10i គឺមានការពារដោយកញ្ចក់ Gorilla Glass 5។
Xiaomi Mi 10i នេះមានដំណើរការដោយបន្ទះឈីប Snapdragon 750G ដែលគួបផ្សំដោយ GPU ម៉ូដែល Adreno 619 និងមាន RAM ទំហំ 8GB ប្រភេទ LPDDR4X ជាមួយអង្គផ្ទុកទំហំធំបំផុតដល់ 128GB ប្រភេទ UFS 2.2។
សម្រាប់ផ្នែកផលិតរូបភាពវិញ គឺវាមានកាមេរ៉ាក្រោយចំនួន ៤គ្រាប់ ដែលកាមេរ៉ាមេទំហំ 108MP ជាប្រភេទឡេន 7P ដែលថតដោយប្រើបច្ចេកទេស 9-in-1 binning។ កាមេរ៉ាមេនេះមាន Aperture f/1.75 ដែលវាមានអមមកជាមួយកាមេរ៉ា Ultrawide ទំហំ 8MP, កាមេរ៉ាពីរទៀតមានទំហំ 2MP ជាប្រភេទ Macro និងកាមេរ៉ាវាស់ជម្រៅ។ កាមេរ៉ា Selfie វិញមានទំហំ 16MP។
Mi 10i ណេះមានថ្មទំហំ 4820mAh ដែលគាំទ្រការសាកថ្មល្បឿនលឿន 33W។ កម្លាំងសាកនេះអាចឲ្យ Mi 10i បានថាមពលថ្មដល់ ៦៨% ពេលសាករយៈពេល ៣០នាទី និងសាកដល់ពេញចំណាយពេល១ម៉ោង។
Mi 10i លក់នៅឥណ្ឌាក្នុងតម្លៃប្រមាណ ២៨៧ដុល្លារ សម្រាប់ប្រភេទ RAM 6GB និងអង្គផ្ទុក 64GB ហើយប្រភេទ RAM 6GB និងអង្គផ្ទុក 128GB មានតម្លៃប្រមាណ ៣០០ដុល្លារ៕