- 2021-01-04 01:25:24
- ព័ត៌មាន
ត្រឹមតែ៥នាទី លក់បានដល់ ៣៥ម៉ឺនគ្រឿង
- 2021-01-04 01:25:24
- ចំនួនមតិ 0 | ចំនួនចែករំលែក 0
ត្រឹមតែ៥នាទី លក់បានដល់ ៣៥ម៉ឺនគ្រឿង
ចន្លោះមិនឃើញ
កាលពីចុងខែមុន Xiaomi បានបង្ហាញរូបរាងស្មាតហ្វូន Mi 11 ជាផ្លូវការ ដែលជាស្មាតហ្វូនដំបូងគេក្នុងលោកមានប្រើប្រាស់នូវបន្ទះឈីប Snapdragon 888 របស់ក្រុមហ៊ុន Qualcomm។
កាលពីថ្ងៃទី១ ខែមករា ក្រុមហ៊ុនបានចាប់ផ្ដើមបើកការលក់លើកដំបូងក្នុងប្រទេសចិន ដែលទទួលបានជោគជ័យខ្លាំងបំផុត។ Xiaomi អាចលក់ Mi 11 បានជាង ៣៥ម៉ឺនគ្រឿង ក្នុងពេលត្រឹមតែ ៥នាទី ដែលគិតជាទឹកប្រាក់គឺលើសពី ១,៥ពាន់លានយ័ន (ប្រមាណ ២៣០លានដុល្លារ)។
Mi 11 មានអេក្រង់ AMOLED ទំហំ ៦,៨១អ៊ីញ ដែលមានកម្រិតបង្ហាញ 2K និងមាន Refresh Rate 120Hz។ វាមានកាមេរ៉ាក្រោយបីគ្រាប់ដែលកាមេរ៉ាមេទំហំ 108MP, កាមេរ៉ា Ultrawide ទំហំ 13M, កាមេរ៉ា Macro ទំហំ 5MP, កាមេរ៉ា Selfie ទំហំ 20MP និងមានជម្រើស RAM ទំហំ 8GB ឬ 12GB ជាមួយអង្គផ្ទុក 128GB ឬ 256GB។ ចំណុចលេចធ្លោដទៃទៀតគឺមានថ្មទំហំ 4600mAh, អាចសាកថ្មកម្លាំង 55W និងសាកដោយឥតប្រើខ្សែកម្លាំង 50W៕