- 2020-12-24 02:41:31
- ព័ត៌មាន
បុគ្គលបច្ចេកវិទ្យា៤នាក់ កើនទ្រព្យសាហាវបំផុតនៅឆ្នាំ ២០២០ មានម្នាក់ជាជនជាតិចិន
- 2020-12-24 02:41:31
- ចំនួនមតិ 0 | ចំនួនចែករំលែក 0
បុគ្គលបច្ចេកវិទ្យា៤នាក់ កើនទ្រព្យសាហាវបំផុតនៅឆ្នាំ ២០២០ មានម្នាក់ជាជនជាតិចិន
ចន្លោះមិនឃើញ
បញ្ជីមហាសេដ្ឋីបច្ចេកវិទ្យាដែលមានកំណើនទ្រព្យសម្បត្តិច្រើនជាងគេនៅឆ្នាំ ២០២០ នេះ មានចំនួនបីរូបមកពីសហរដ្ឋអាមេរិក និងម្នាក់ទៀតគឺជាអ្នកជំនួញជនជាតិចិន។ តួលេខរបស់ Bloomberg បានបង្ហាញលទ្ធផលដូចខាងក្រោមនេះ ៖
១. លោក Elon Musk នាយកប្រតិបត្តិ Tesla
រាប់ចាប់ពីដើមឆ្នាំ ដល់ថ្ងៃទី២១ ខែធ្នូ ទ្រព្យសម្បត្តិរបស់លោក Elon Musk បានកើនឡើង ១៤០ពាន់លានដុល្លារ ដែលធ្វើឲ្យទ្រព្យសរុបរបស់លោកមានដល់ ១៦៧ពាន់លានដុល្លារ។ ទ្រព្យសម្បត្តិរបស់លោកមានការកើនឡើងខ្លាំងដោយសារតម្លៃភាគហ៊ុនរបស់ Tesla មានការកើនឡើងរហូតដល់ជាង ៦៥០% គិតចាប់ពីដើមឆ្នាំមក។
២. លោក Jeff Bezos នាយកប្រតិបត្តិ Amazon
លោក Bezos បានបើកទំព័រឆ្នាំ ២០២០ ជាបុគ្គលមានដាច់គេក្នុងលោក។ ដោយសារប្រាក់ចំណូលរបស់ Amazon បន្តកើនឡើងឥតឈប់ឈរ ធ្វើឲ្យលោកអាចបន្តឈរនៅតំណែងកំពូលបានដល់បច្ចុប្បន្ន ហើយលោកជាបុគ្គលទីពីរដែលមានកំណើនទ្រព្យសម្បត្តិច្រើនជាងគេគឺរហូតដល់ ៧២ពាន់លានដុល្លារ ដែលទ្រព្យសរុបបច្ចុប្បន្នគឺ ១៨៦ពាន់លានដុល្លារ។
៣. លោក Colin Huang ស្ថាបនិក Pinduoduo
លោក Colin Huang បានបន្ថែមទ្រព្យសម្បត្តិ ៣៣ពាន់លានដុល្លារបន្ថែមទៀតពីលើទ្រព្យកាលពីឆ្នាំមុន ដែលធ្វើឲ្យទ្រព្យសរុបឡើងដល់ ៥៣ពាន់លានដុល្លារ។ នៅឆ្នាំ ២០២០ លោកបានលាលែងតំណែងជានាយកប្រតិបត្តិរបស់ Pinduoduo ប៉ុន្តែនៅបន្តកាន់កាប់តំណែងជាប្រធាន និងមានកាន់កាប់ភាគហ៊ុន ២៩,៤% នៅ Pinduoduo ដែលគិតជាទឹកប្រាក់មានតម្លៃជាង ៥០ពាន់លានដុល្លារ។
៤. លោក Mark Zuckerberg ស្ថាបនិក និងនាយកប្រតិបត្តិ Facebook
នៅឆ្នាំ ២០២០ នេះ ទ្រព្យរបស់លោក Mark បានកើនឡើងជាង ២៦ពាន់លានដុល្លារ ដែលទ្រព្យសរុបមានដល់ ១០៥ពាន់លានដុល្លារ ក្លាយជាបុគ្គលមានជាងគេលើលោកលំដាប់ទី៥។ ទ្រព្យសម្បត្តិនេះគឺដោយសារលោក Mark មានកាន់កាប់ភាគហ៊ុនរហូតដល់ ៣៧៥លានភាគហ៊ុន នៅ Facebook៕
