សូមប្រយ័ត្ន! ពី Hacker ដែលយកឈ្មោះថ្នាក់ដឹកនាំ មកក្លែងបន្លំក្នុងTelegram

2020-12-16 02:51:32
ព័ត៌មាន

2020-12-16 02:51:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រសួងប្រៃសណីយ៍ និងទូរគមនាគមន៍ បានជូនដំណឹងពីការវាយប្រហារតាមប្រព័ន្ធតេឡេក្រាម (Telegram) បាននឹងកំពុងកើតមានឡើងគួរឲ្យកត់សម្គាល់។ Hacker បានធ្វើការវាយប្រហារក្រោមទម្រង់ជាការក្លែងបន្លំឈ្មោះថ្នាក់ដឹកនាំក្នុងជួររាជរដ្ឋភិបាល ឬឈ្មោះបុគ្គលដទៃទៀត ដើម្បីបញ្ជូនមេរោកតាមសារតេឡេក្រាម សម្រាប់បោកបញ្ឆោតអ្នកប្រើប្រាស់។

ក្នុងករណីអ្នកប្រើប្រាស់បានចុចបើកឯកសារ ឬកម្មវិធីដែលមានផ្ទុកមេរោគ Hacker អាចចូលទៅកាន់កំព្យូទ័ ឬទូរសព្ទ របស់អ្នកប្រើប្រាស់ពីចម្ងាយដោយជោគជ័យ និងលួចយកទិន្នន័យនានា ដូចជា ឯកសារ លេខកូដសំងាត់ សម្រាប់កម្មវិធីផ្សេងៗ ព្រមទាំងអាចបញ្ជាម៉ាសុីនថតរូប និងឧបករណ៍ថតសម្លេងបានផងដែរ និងបន្តលួចយកព័ត៌មានផ្ទាល់ខ្លួនរបស់អ្នកប្រើប្រាស់ថែមទៀតផង។

ដូចនេះដើម្បីជៀសវាងការធ្លាក់ទៅក្នុងអន្ទាក់បោកប្រាស់របស់អ្នកវាយប្រហារ អ្នកប្រើប្រាស់តេឡេក្រាមទាំងអស់ គួរតែធ្វើការផ្ទៀងផ្ទាត់ និងត្រួតពិនិត្យគណនីបុគ្គលដែលបានផ្ញើសារមកឲ្យបានច្បាស់លាស់ ពិសេសសារដែលបានផ្ញើមកជាលើកដំបូង។

ព័ត៌មានលម្អិតសូមអាចខាងក្រោម៖