• 2020-12-08 02:55:01
  • ព័ត៌មាន

លេចចេញរូបរាងខាងក្រោយ Xiaomi Mi 11 និង Mi 11 Pro

  • 2020-12-08 02:55:01
  • ចំនួនមតិ 0 | ចំនួនចែករំលែក 0

ចន្លោះមិនឃើញ

Xiaomi Mi 11 និង Mi 11 Pro នឹង​បង្ហាញ​វត្តមាន​ក្នុង​ពេល​ឆាប់ៗ​ដ៏​ខ្លី​ខាង​មុខ​នេះ ហើយ​ពេល​នេះ​គេ​ចាប់​ផ្ដើម​ទទួល​បាន​ដំណឹង​ជា​បណ្ដើរៗ​អំពី​ស្មាតហ្វូន​ទាំង​ពីរ។

គណនី Twitter ឈ្មោះ Digital Chat Station ទទួល​បាន​​​ឯកសារ​​ចុះ​បញ្ជី​ដែល​បង្ហាញ​អំពី​ទំហំ​ថ្ម និង​បច្ចេកវិទ្យា​សាក​ថ្ម​របស់​ Mi 11 និង Mi 11 Pro។ ក្នុង​ឯកសារ​បង្ហាញ​​អំពី​ទំហំ​ថ្ម 2485mAh និង 2390mAh សម្រាប់ Mi 11 Pro និង Mi 11។

យ៉ាងណាក្ដី​​ទំហំ​នេះ​ទំនង​ជា​តំណាង​ឲ្យ​ថ្ម​មួយ​ចំហៀង​ប៉ុណ្ណោះ​ ព្រោះ​ថា​ Xiaomi ទំនង​ជា​ប្រើ​ប្រាស់​បច្ចេកវិទ្យា​សាក​ថ្ម 55W ដែល​តម្រូវ​ឲ្យ​បែង​ចែក​ថ្ម​ជា​ពីរ។ ដួច​នេះ​ទំហំ​ជាក់​ស្ដែង​អាច​មាន​ 4780mAh និង 4970mAh។

បន្ថែម​ពី​នេះ​ដែរ​គេ​​ក៏​បាន​ឃើញ​រូបភាព Render នៃ​សម្បក​ការពារ​ថ្មី​របស់​ស្មាតហ្វូន​ទាំង​ពីរ។ តាម​រូបភាព​បង្ហាញ​ថា​ Mi 11 នឹង​មាន​បំពាក់​កាមេរ៉ា​ក្រោយ​បី​គ្រាប់ ចំណែក​ឯ​ Mi 11 Pro វិញ​មាន​បំពាក់​កាមេរ៉ា​ក្រោយ៤​គ្រាប់៕​​

ប្រភព៖ GSMarena ប្រែ​សម្រួល៖ សុខហេង

មតិយោបល់