- 2020-11-25 01:33:23
- ផលិតផលថ្មី
Poco M3 តម្លៃត្រឹម ១២៩ដុល្លារ មានញាត់ថ្មទំហំដល់ ៦០០០mAh
- 2020-11-25 01:33:23
- ចំនួនមតិ 0 | ចំនួនចែករំលែក 0
Poco M3 តម្លៃត្រឹម ១២៩ដុល្លារ មានញាត់ថ្មទំហំដល់ ៦០០០mAh
ចន្លោះមិនឃើញ
ស្មាតហ្វូនតម្លៃធូរថ្លៃទីបីរបស់ Poco ដែលជាម៉ាកសាខាបំបែកខ្លួនចេញពី Xiaomi បានប្រកាសចេញជាផ្លូវការ ជាមួយរូបរាងដ៏ទាក់ទាញ និងមានបំពាក់គ្រឿងក្នុងខ្លាំងៗជាច្រើនសម្រាប់តម្លៃត្រឹម ១២៩ដុល្លារប៉ុណ្ណោះនៅទីផ្សារបរទេស។
Poco M3 មានបំពាក់ថ្មទំហំ ៦០០០mAh ដែលជាចំណុចសំខាន់មួយនៃស្មាតហ្វូន។ វាមានគាំទ្រការសាកថ្មល្បឿន ១៨វ៉ាត់ និងអាចសាកបញ្ចូលថ្មឲ្យឧបករណ៍ដទៃទៀតក្នុងល្បឿន ១៨វ៉ាត់ បានដូចគ្នាពេលប្រើប្រាស់ខ្សែសាកដែលត្រឹមត្រូវ។
Poco បានអះអាងថា Poco M3 អាចប្រើប្រាស់បានធម្មតាបានរហូតដល់ ៥ថ្ងៃ, អាចប្រើប្រាស់ក្នុងកម្រិតបង្គួរបានរយៈពេល៣ថ្ងៃ និងប្រើប្រាស់បែបខ្លាំងក្លា (ដូចជាលេងហ្គេម ឬមើលវីដេអូជាប់យូរម៉ោង) បានមួយថ្ងៃកន្លះ។ មិនតែប៉ុណ្ណោះថ្មរបស់វាមិនងាយធ្លាក់គុណភាពនោះទេ ដោយ Poco អះអាងថាអាចទ្រាំទ្រនឹងការប្រើប្រាស់រយៈពេល ២ឆ្នាំកន្លះ ដោយមិនថយចុះសមត្ថភាពកាន់ថ្ម។
នៅផ្នែកខាងមុខមានបំពាក់នូវអេក្រង់ LCD ទំហំ ៦,៥៣អ៊ីញ ដែលអាចបង្ហាញរូបភាពបានកម្រិត FHD+ និងមាន Refresh Rate 60Hz ហើយការពារដោយកញ្ចក់ Gorilla Glass 3។ អេក្រង់នេះដែរមានប្រើរចនាបថក្បាលឆកតំណក់ទឹក សម្រាប់ផ្ទុកកាមេរ៉ា Selfie ទំហំ ៨MP។
នៅផ្នែកខាងក្រោយគឺមានបំពាក់កាមេរ៉ាចំនួនបីគ្រាប់ ដែលកាមេរ៉ាមេទំហំ ៤៨MP មាន Aperture f/1.79។ កាមេរ៉ាពីរទៀតមានទំហំ ២MP ដូចគ្នា និងមាន Aperture f/2.4 ដូចគ្នា ដោយមួយជាកាមេរ៉ា Macro និងមួយទៀតជាកាមេរ៉ាវាស់ជម្រៅ។
នៅផ្នែកខាងក្នុងឯណោះមានប្រើប្រាស់នូវបន្ទះឈីប Snapdragon 662 គួបផ្សំនឹង RAM ទំហំ ៤GB និងមានជម្រើសអង្គផ្ទុកទំហំ ៦៤GB ឬ ១២៨GB។ វាក៏មាននូវរន្ធបញ្ចេញសំឡេង Stereo, ទ្រនាប់ស្កេនម្រាមដៃនៅផ្នែកចំហៀង និងមាន IR Blaster ទៀតផង។
Poco M3 មានដាក់លក់នៅសហរដ្ឋអាមេរិកនៅថ្ងៃទី២៧ ខែវិច្ឆិកា ហើយដោយសារចំថ្ងៃ Black Friday ទើបមានការបញ្ចុះតម្លៃនៅសល់ត្រឹម ១២៩ដុល្លារសម្រាប់ទំហំ ៦៤GB និងតម្លៃ ១៤៩ដុល្លារសម្រាប់ទំហំ ១២៨GB។ ក្រោយចប់ការបញ្ចុះតម្លៃនេះ នឹងនៅសល់តម្លៃ ១៤៩ដុល្លារ និង ១៦៩ដុល្លារ៕