តាមធម្មតា អ្នកដែលមានលុយដល់ទៅ ៣,៥លានដុល្លារ ទិញរថយន្ត Bugatti Chiron Pur Sport មិនដែលខ្វល់ឡើយពីកម្រិតស៊ីសាំងរបស់វា។ ទោះជាយ៉ាងណា កម្លាំងខ្លាំងគឺស្មើនឹងកម្រិតស៊ីសាំងច្រើនដូចគ្នា។

Bugatti នឹងផលិតរថយន្ត Chiron Pur Sport ត្រឹមតែ ៦០គ្រឿងប៉ុណ្ណោះ នៅទូទាំងពិភពលោក ហើយបើតាមទីភ្នាក់ងារ EPA ដែលទើបតែបញ្ចេញកម្រិតស៊ីសាំងនៃរថយន្តកំពូលកម្លាំងនេះ បង្ហាញថា វាមានកម្រិតស៊ីសាំងជាមធ្យម ២៩,៤លីត្រ/ក្នុងក្រុង ១៨លីត្រ/ក្រៅក្រុង និង ២៣,៥លីត្រ/ជាមធ្យម សម្រាប់ការបើកបរចម្ងាយ ១០០គីឡូម៉ែត្រ។

គួរបញ្ជាក់ឲ្យដឹងថា Chiron Pur Sport គឺមានកម្រិតស៊ីសាំងប្រសើរជាង ម៉ូដែល Chiron ធម្មតា (២៦,១លីត្រ/ក្នុងក្រុង ១៦,៨លីត្រ/ក្រៅក្រុង និង ២១,៣លីត្រ/ជាមធ្យម) ថ្វីបើវាមានទម្ងន់ធ្ងន់ជាង ៥០គីឡូក្រាម និងបំពាក់ម៉ាស៊ីនដូចគ្នា គឺចំណុះ ៨,លីត្រ quad-turbocharged ទំហំ ១៦ស៊ីឡាំង មានកម្លាំងដល់ ១ ៤៧៩សេះក៏ដោយ៕