- 2020-11-19 02:01:09
- ផលិតផលថ្មី
ហាងមួយទម្លាយតម្លៃ Scoopy ថៃ ២០២១ ពេលមកដល់ខ្មែរនៅដើមខែក្រោយ!
- 2020-11-19 02:01:09
- ចំនួនមតិ 0 | ចំនួនចែករំលែក 0
ហាងមួយទម្លាយតម្លៃ Scoopy ថៃ ២០២១ ពេលមកដល់ខ្មែរនៅដើមខែក្រោយ!
ចន្លោះមិនឃើញ
កាលពីថ្ងៃទី ១៦ វិច្ឆិកា កន្លងទៅថៃបានប្រកាសចេញម៉ូតូ Honda Scoopy ស៊េរីឆ្នាំ២០២១ ជាផ្លូវការ ដោយមានការឌីហ្សាញថ្មីមើលទៅកាន់តែមានភាពទាន់សម័យ។
Scoopy ថ្មីនេះមានលក្ខណៈពិសេសជាច្រើនដូចជាមានបំពាក់ប្រព័ន្ធ Smart Key ជាលើកដំបូងបង្អស់, មុខងារ Idling Stop System, រន្ធសាកថ្មទូរសព្ទ, ឃ្លុបក្រោមកែបចំណុះ ១៥,៤លីត្រ, កុងទ័រ Analog លាយឌីជីថល និង យ៉ាន់ Alloy ទំហំ១២អ៊ីញ។
បើតាមការបញ្ជាក់ពីលោក សីហា ជាអ្នកលក់ម៉ូតូនៅម្ដុំគិរីរម្យបានប្រាប់ Sabay ថា Honda Scoopy ស៊េរីថ្មីនេះអាចនឹងមកដល់ទីផ្សារប្រទេសកម្ពុជានៅដើមខែក្រោយនេះ លោកបានប៉ាន់ស្មានថាពេលមកដល់ខ្មែរអាចមានតម្លៃចន្លោះពី ២ ៧០០ ទៅ ២ ៩០០ដុល្លារ។
ម៉ូតូ Honda Scoopy ឆ្នាំ២០២១ ប្រើម៉ាស៊ីន eSP កម្លាំង ១១០សេសេជំនាន់ថ្មី ជាមួយប្រព័ន្ធប៊ិចសាំង PGM-Fi ហើយមានកម្រិតស៊ីសាំង ៥៥គីឡូម៉ែត្រ/លីត្រ និងមានធុងសាំងចំណុះ ៤,២លីត្រ។
ចង្កៀងមុខប្រភេទ LED នឹងអំពូលបំភ្លឺពេលថ្ងៃរាងមូល លើសពីនេះក្រុមហ៊ុនបានធ្វើឲ្យតួខ្លួន eSAF (Enhanced Smart Architecture Frame) កាន់តែមានភាពរឹងតែមាំ និងស្រាលជាងមុន ៕