- 2020-11-13 01:54:35
- ព័ត៌មាន
សង្ឃឹមអី! ម្ចាស់ Pixel ថ្មីៗក៏របូតការផ្ដល់ឲ្យពិសេសពី Google ដែរ
- 2020-11-13 01:54:35
- ចំនួនមតិ 0 | ចំនួនចែករំលែក 0
សង្ឃឹមអី! ម្ចាស់ Pixel ថ្មីៗក៏របូតការផ្ដល់ឲ្យពិសេសពី Google ដែរ
ចន្លោះមិនឃើញ
អ្នកប្រើស្មាតហ្វូន Google Pixel ពេលនេះ នឹងអាចរក្សាទុករូបភាព និងវីដេអូទាំងអស់ដោយឥតកំណត់ និងឥតគិតថ្លៃលើ Google Photos បានជារៀងរហូត។ យ៉ាងណាក្ដីស្មាតហ្វូន Pixel ថ្មីៗដែលចេញឆ្នាំ ២០២១ នឹងមិនទទួលបានសិទ្ធពិសេសនេះទៀតនោះទេ។
កាលពីម្សិលមិញ Google បានប្រកាសថាការផ្ដល់ជូនការរក្សាទុករូបភាព និងវីដេអូឥតកំណត់សម្រាប់អ្នកប្រើប្រាស់ទាំងអស់នឹងត្រូវបញ្ចប់ត្រឹមខែមិថុនា ឆ្នាំ ២០២១។ ក្រុមហ៊ុនបានរំលឹកថាម្ចាស់ស្មាតហ្វូន Pixel បច្ចុប្បន្ននឹងត្រូវបានលើកលែងចំពោះការកំណត់ថ្មីនេះ ហើយពេលនេះគេបានសន្និដ្ឋានថាស្មាតហ្វូន Pixel អនាគតអាចនឹងបានសិទ្ធពិសេសនេះដូចគ្នា។ យ៉ាងណាក្ដី ពេលនេះ Google បានបញ្ជាក់ថាស្មាតហ្វូន Pixel ស៊េរីថ្មីនឹងមិនទទួលបានសិទ្ធពិសេសនេះឡើយ។
ដូចនេះគ្រប់ស្មាតហ្វូនទាំងអស់ចាប់ពីថ្ងៃទី១ ខែមិថុនាឆ្នាំក្រោយទៅ នឹងលែងអាចរក្សាទុករូបភាព/វីដេអូ ដោយឥតកំណត់បាន ដែលនឹងទទួលបានទំហំកំណត់ត្រឹម ១៥GB ប៉ុណ្ណោះ៕