- 2020-11-12 01:55:31
- ព័ត៌មាន
មានពេល៨ខែទៀតប៉ុណ្ណោះ អាចប្រើ Google Photos ឥតកំណត់
- 2020-11-12 01:55:31
- ចំនួនមតិ 0 | ចំនួនចែករំលែក 0
មានពេល៨ខែទៀតប៉ុណ្ណោះ អាចប្រើ Google Photos ឥតកំណត់
ចន្លោះមិនឃើញ
មុខងារដ៏សំខាន់ជាងគេមួយរបស់ Google Photos គឺការអាចបង្ហោះរូបភាព/វីដេអូដោយឥតកំណត់ ដែលជាទីពេញចិត្តរបស់អ្នកប្រើប្រាស់ក្នុងការរក្សាទុករូបភាព/វីដេអូបានយូរអង្វែង និងអាចសន្សំសំចៃទំហំផ្ទុកក្នុងទូរសព្ទរបស់ពួកគេ។ ដោយឡែក Google បានប្រកាសថាមុខងារពិសេសនេះនឹងត្រូវបាត់បង់នៅថ្ងៃទី១ ខែមិថុនា ឆ្នាំ ២០២១។
ចាប់ពីថ្ងៃទី១ ខែមិថុនា ឯកសារដែលបង្ហោះចូល Google Photos នឹងចាប់ផ្ដើមរាប់បញ្ចូលក្នុងទំហំផ្ទុក ១៥GB ដែល Google ផ្ដល់ជូន ហើយប្រសិនបើប្រើប្រាស់អស់ទំហំអ្នកប្រើប្រាស់អាចបន្ថែមតាមរយៈការចុះឈ្មោះបង់លុយលើកញ្ចប់ Google One។ រូបភាព និងវីដេអូដែលបង្ហោះមុនថ្ងៃកំណត់នេះ គឺនឹងមិនមានផលប៉ះពាល់អ្វីនោះឡើយ។
អ្នកដឹកនាំផ្នែកផលិតផលនៅ Google បានបកស្រាយថាការបញ្ឈប់ការផ្ដល់ជូនឥតកំណត់នេះគឺដោយសារតែការថែទាំលើសេវាកម្មឥតគិតថ្លៃនេះកាន់តែមានថ្លៃចំណាយខ្ពស់ទៅៗ។ លោកបានបញ្ជាក់ថាអ្នកប្រើប្រាស់បានបង្ហោះរូបភាព និងវីដេអូចំនួន ២៨ពាន់លានជារៀងរាល់សប្ដាហ៍ ហើយនៅលើ Server របស់ Google មានរូបភាពដល់ ៤ទ្រីលានសន្លឹកទៅហើយ។
យ៉ាងណាក្ដី អ្នកប្រើប្រាស់ស្មាតហ្វូន Google Pixel នឹងបន្តទទួលបានសិទ្ធបង្ហោះរូបភាពប្រភេទ High Quality ដោយឥតកំណត់ដដែល ក្រោយថ្ងៃទី១ ខែមិថុនា ឆ្នាំ ២០២១៕
