- 2020-10-26 06:46:13
- ព័ត៌មាន
ធ្លាយ Galaxy S21+ មួយទៀត គ្រប់ជើងហើយ!
- 2020-10-26 06:46:13
- ចំនួនមតិ 0 | ចំនួនចែករំលែក 0
ធ្លាយ Galaxy S21+ មួយទៀត គ្រប់ជើងហើយ!
ចន្លោះមិនឃើញ
រូបគំនូរព្រាងនៃ Galaxy S21+ ឬ Galaxy S30+ បានធ្លាយចេញកាលពីចុងសប្ដាហ៍កន្លងទៅ ដែលចូលមកបំពេញចន្លោះប្រហោងនៃ Galaxy S21 និង Galaxy S21 Ultra ដែលបានធ្លាយចេញកាលពីអំឡុងដើមសប្ដាហ៍មុន។
រូបភាពបានបង្ហាញថា Galaxy S21+ គឺមានការបំពាក់កាមេរ៉ាក្រោយរូបរាងដូចជាកាមេរ៉ាលើ Galaxy S21 ដែលមានកាមេរ៉ាសរុបចំនួនបីគ្រាប់។ ហើយអេក្រង់វិញមានរាងរាបស្មើដូចជា Galaxy S21 ដែរ មិនមានរាងកោងដូច Galaxy S21 Ultra នោះទេ។ ការឌីហ្សាញកាមេរ៉ា Selfie មិនមានផ្លាស់ប្ដូរនោះទេ គឺនៅមានចោះរន្ធចំកណ្ដាលអេក្រង់។
Galaxy S21+ មានវិមាត្រស្រដៀងនឹង Galaxy S20+ ដែរ ដោយមានទំហំ ១៦១,៥ម.ម x ៧៥,៦ម.ម x ៧,៨៥ម.ម ដោយមានទទឹងរាងធំជាងមុនបន្តិច។ ថ្មរបស់ Galaxy S21+ មានទំហំធំជាងមុនដោយកើនឡើងពីទំហំ ៤៥០០mAh ដល់ ៤៨០០mAh ប៉ុន្តែនឹងរក្សាល្បឿនសាក 25W ដដែល៕