- 2020-10-16 03:12:46
- ផលិតផលថ្មី
OnePlus 8T សាកថ្ម 65W អេក្រង់ 120Hz តម្លៃ ៧៥០ដុល្លារ
- 2020-10-16 03:12:46
- ចំនួនមតិ 0 | ចំនួនចែករំលែក 0
OnePlus 8T សាកថ្ម 65W អេក្រង់ 120Hz តម្លៃ ៧៥០ដុល្លារ
ចន្លោះមិនឃើញ
OnePlus បានប្រកាសចេញជាផ្លូវការនូវស្មាតហ្វូន OnePlus 8T ដែលមានបច្ចេកវិទ្យាសាកថ្មល្បឿនលឿន 65W និងមានអេក្រង់ 120Hz ជាចំណុចលេចធ្លោបំផុតរបស់ស្មាតហ្វូននេះ។
ស្មាតហ្វូននេះមានពីរប្រភេទគឺមួយមាន RAM ទំហំ ៨GB អង្គផ្ទុក ១២៨GB និងមួយទៀតមាន RAM ទំហំ ១២GB អង្គផ្ទុកទំហំ ២៥៦GB។ នៅសហរដ្ឋអាមេរិកមានលក់តែប្រភេទ RAM ទំហំ ១២GB ដែលមានតម្លៃ ៧៤៩ដុល្លារ មានដាក់លក់ចាប់ពីថ្ងៃទី២៣ ខែតុលា។
បច្ចេកវិទ្យាសាកថ្ម Warp Charge 65W ដែលមានលើ OnePlus 8T អាចសាកថ្មទំហំ ៤៥០០mAh របស់វាបានដល់ជិត ៥៨% ក្នុងពេលត្រឹម ១៥នាទី និងអាចសាកដល់ពេញ ១០០% ក្នុងពេលត្រឹម ៣៩នាទី។
ចំពោះអេក្រង់របស់វានៅមានទំហំ ៦,៥៥អ៊ីញ និងមានកម្រិតបង្ហាញ 1080 x 2400 ភីកសែលដូចនៅលើ OnePlus 8 ប៉ុន្តែ Refresh Rate នាពេលនេះឡើងដល់ 120Hz ដូចជា OnePlus 8 Pro ដែរ។ ស្មាតហ្វូននេះដំណើរការដោយបន្ទះឈីប Snapdragon 865 ដែលគាំទ្រសេវា sub-6GHz 5G និងដំណើរការដោយ OxygenOS 11 មកស្រាប់ចេញពីប្រអប់។
សម្រាប់ផ្នែកកាមេរ៉ាវិញ នៅខាងក្រោយមានចំនួនបួនគ្រាប់ ដែលកាមេរ៉ាមេមានទំហំ ៤៨MP, កាមេរ៉ា Ultrawide ទំហំ ១៦MP (១២៣ដឺក្រេ), កាមេរ៉ា Macro ទំហំ ៥MP និងមានកាមេរ៉ាស-ខ្មៅទំហំ ២MP។ នៅផ្នែកខាងមុខវិញមានកាមេរ៉ា Selfie ទំហំ ១៦MP៕