- 2020-10-14 07:37:24
- ផលិតផលថ្មី
Yamaha ចេញម៉ូតូថ្មីឌីហ្សាញរាងស្អាតប្លែក ប៉ុន្តែតម្លៃវិញស្មានមិនដល់
- 2020-10-14 07:37:24
- ចំនួនមតិ 0 | ចំនួនចែករំលែក 0
Yamaha ចេញម៉ូតូថ្មីឌីហ្សាញរាងស្អាតប្លែក ប៉ុន្តែតម្លៃវិញស្មានមិនដល់
ចន្លោះមិនឃើញ
ក្រុមហ៊ុន Yamaha Motors ប្រចាំតៃវ៉ាន់ បានបង្ហាញចេញម៉ូតូថ្មីម៉ូដែល Vinoora 125 ដែលជាអ្នកស្នងតំណែងម៉ូតូ VINO និងម៉ូតូ CUXI ដោយមានប្រើប្រាស់រចនាបថប្លែក និងមានភាពទាន់សម័យ។
ម៉ូតូនេះភ្លើងប្រភេទ LED ចំនួនពីរគ្រាប់នៅផ្នែកខាងមុខដែលមានរាងជារង្វង់មូល ហើយនៅផ្នែកខាងក្រោយក៏មានបំពាក់អំពូលហ្វ្រាំងដែលមានរាងមូលដូចគ្នាផងដែរ។ វាមានរន្ធសាកថ្ម 5V/2A ដែលស្ថិតនៅក្នុងឃ្លុបដាក់ឥវ៉ាន់ក្រោមដៃចង្កូត។
ត្បិតថាមានរូបរាងតូច គួរឲ្យស្រឡាញ់មែន ប៉ុន្តែម៉ូតូម៉ូដែល Vinoora 125 នេះគឺមានបំពាក់ម៉ាស៊ីនចំណុះ ១២៥សេសេ, មានប្រើប្រព័ន្ធពន្លត់ម៉ាស៊ីន និងបញ្ឆេះម៉ាស៊ីនស្វ័យប្រវត្តិ ដែលជួយសន្សំសំចៃប្រេងសាំងបានល្អ។ កម្រិតស៊ីប្រេងរបស់វា ១លីត្រ ជិះបានចម្ងាយ ៥៧,៧ គីឡូម៉ែត្រ។
Yamaha Vinoora 125 មានជម្រើសពណ៌ស្អាតៗចំនួនប្រាំ ដែលមានដាក់លក់នៅតៃវ៉ាន់ក្នុងតម្លៃ ៧៦ ៣០០ដុល្លារតៃវ៉ាន់ ស្មើនឹងប្រមាណ ២ ៦៥៥ដុល្លារ៕