- 2020-10-06 08:15:04
- ផលិតផលថ្មី
Poco ប្រកាសចេញទូរសព្ទតម្លៃធូរបំផុត តម្លៃត្រឹម ១០០ដុល្លារ
- 2020-10-06 08:15:04
- ចំនួនមតិ 0 | ចំនួនចែករំលែក 0
Poco ប្រកាសចេញទូរសព្ទតម្លៃធូរបំផុត តម្លៃត្រឹម ១០០ដុល្លារ
ចន្លោះមិនឃើញ
Poco បានបង្ហាញចេញជាផ្លូវការនូវស្មាតហ្វូន Poco C3 ដែលមានលក្ខណៈសម្បត្តិស្រដៀងនឹង Redmi 9C ខ្លាំង ប៉ុន្តែមានរូបរាងខុសគ្នា។ ជាមួយតម្លៃចាប់ពីប្រមាណ ១០២ដុល្លារ នៅទីផ្សារឥណ្ឌា Poco C3 គឺជាស្មាតហ្វូនដែលមានតម្លៃធូរបំផុតរបស់ម៉ាក Poco។
Poco C3 មានប្រើប្រាស់អេក្រង់រចនាបថទឹកធ្លាក់ទំហំ ៦,៥៣អ៊ីញ ដែលអាចបង្ហាញរូបភាពក្នុងកម្រិត HD+។ នៅផ្នែកខាងក្នុងមានប្រើប្រាស់ឈីប MediaTek Helio G35 គួបផ្សំដោយ RAM ទំហំ 3GB ឬ 4GB និងអង្គផ្ទុកទំហំ 32GB ឬ 64GB និងមានរន្ធសម្រាប់ដោត microSD បានផងដែរ។ នៅផ្នែកខាងក្រោយមានកាមេរ៉ាមេទំហំ 13MP, កាមេរ៉ាវាស់ជម្រៅ 2MP និងកាមេរ៉ា Macro ទំហំ 2MP។
Poco 3 ក៏មានបំពាក់នូវថ្មទំហំ ៥០០០ mAh ដែល Poco អះអាងថាអាចលេងហ្គេមជាប់បានរយៈពេល ១៤ម៉ោង។ មិនតែប៉ុណ្ណោះថ្មទំហំធំនេះអាចមានអាយុកាលយូរអង្វែង ដោយប្រើប្រាស់ជាង ៣ឆ្នាំ ទើបស្រកចុះសមត្ថភាពកាន់ថ្ម។
Poco 3 លក់នៅប្រទេសឥណ្ឌាមានតម្លៃប្រមាណ ១០២ដុល្លារ សម្រាប់ប្រភេទ RAM 3GB/ROM 32GB និងសម្រាប់ប្រភេទ RAM 4GB/ROM 64GB មានតម្លៃប្រមាណ ១២៣ដុល្លារ ដែលចាប់ផ្ដើមលក់ពីថ្ងៃទី១៦ ខែតុលា៕
