- 2020-10-02 08:06:29
- ព័ត៌មាន
ញយដងពេក ដូចក្លាយជាទម្លាប់របស់ Google ហើយ!
- 2020-10-02 08:06:29
- ចំនួនមតិ 0 | ចំនួនចែករំលែក 0
ញយដងពេក ដូចក្លាយជាទម្លាប់របស់ Google ហើយ!
ចន្លោះមិនឃើញ
Google Pixel 5 ដែលចេញក្នុងឆ្នាំ ២០២០ នេះ មានបំពាក់នូវកាមេរ៉ាក្រោយពីរគ្រាប់ ដែលមានកាមេរ៉ាមេទំហំ ១២,២MP និងមួយទៀតជាកាមេរ៉ា Ultrawide ទំហំ ១៦MP។ សម្រាប់កាមេរ៉ា Ultrawide នេះ Google ខ្លួនធ្លាប់គិតថាមិនសំខាន់ដូចកាមេរ៉ា Telephoto។
បើងាកទៅមើលកាលពីមួយឆ្នាំមុន ពេលប្រកាសចេញ Pixel 4 អ្នកស្រាវជ្រាវប្រចាំនៅ Google ឈ្មោះថា Marc Levoy ធ្លាប់បាននិយាយដូចនេះថា ៖ "ខណៈដែលកាមេរ៉ា Ultrawide មើលទៅដូចជាសប្បាយក្នុងការប្រើ ប៉ុន្តែយើងគិតថា Telephoto សំខាន់ជាង។”
នេះមិនមែនជាលើកទីមួយនោះទេ ដែល Google បានជាន់កែងខ្លួនឯង។ ដូចជាពេលប្រកាសចេញស្មាតហ្វូន Pixel ជំនាន់ដំបូង Google បានបង្ហាញមោទនភាពចំពោះស្មាតហ្វូនខ្លួនដែលមានរន្ធដោតកាស 3.5mm ស្របពេលដែល Apple សម្រេចចិត្តដករន្ធកាសប្រភេទនេះចេញ។ ស្រាប់តែចូលដល់ Pixel 2 បែរជាលែងមានរន្ធដោតកាស 3.5mm ទៅវិញ។
មិនទាន់អស់ទេ ពេលដែល Pixel 3 ប្រកាសចេញអ្នកគ្រប់គ្រងផ្នែកផលិតផលនៅ Google បានបង្ហើរពាក្យសំដីថាកាមេរ៉ាគ្រាប់ទីពីរលើស្មាតហ្វូន ហាក់ដូចជាមិនសំខាន់ឡើយ ដោយសារ Pixel 3 មាន Software កាមេរ៉ាខ្លាំង។ ប៉ុន្តែនៅលើ Pixel 4 បែរជាបន្ថែមកាមេរ៉ា Telephoto មួយគ្រាប់ទៀត ទៅវិញ៕