- 2020-10-02 07:17:56
- ផលិតផលថ្មី
Microsoft ប្រកាសចេញឡេបថបប្រើ CPU ជំនាន់ទី១០ តម្លៃពី ៥៥០ដុល្លារ
- 2020-10-02 07:17:56
- ចំនួនមតិ 0 | ចំនួនចែករំលែក 0
Microsoft ប្រកាសចេញឡេបថបប្រើ CPU ជំនាន់ទី១០ តម្លៃពី ៥៥០ដុល្លារ
ចន្លោះមិនឃើញ
Microsoft បានប្រកាសចេញផលិតផលថ្មីចំនួនពីរនាថ្ងៃនេះ ដែលក្នុងនោះមានកុំព្យូទ័រយួរដៃតម្លៃធូរថ្លៃម៉ូដែល Surface Laptop Go។
Surface Laptop Go មានបំពាក់ដោយអេក្រង់ ១២,៤អ៊ីញ អាចបង្ហាញរូបភាពក្នុងកម្រិត ១៥៣៦ x ១០២៤ ភីកសែល ដែលជាប្រភេទអេក្រង់ Touchscreen។ កុំព្យូទ័រនេះដំណើរការដោយ CPU Intel Core i5-1035G1 ជា CPU ជំនាន់ទី១០ ភ្ជាប់ជាមួយក្រាហ្វិក UHD។ វាមានជម្រើស RAM ទំហំ ៤GB ឬ៨GB ជាប្រភេទ LPDDR4X និងអង្គផ្ទុកទំហំ ៦៤GB ប្រភេទ eMMC ឬអង្គផ្ទុក SSD ទំហំ ១២៨GB និង ២៥៦GB។
Surface Laptop Go នេះក៏មានបញ្ចូលនូវកាមេរ៉ាកម្រិត 720P, មានរន្ធស្រូបសំឡេងពីរ និងរន្ធបំពងសំឡេង Dolby Audio។ វាក៏មាននូវរន្ធ USB-C មួយ, រន្ធ USB-A មួយ, Wi-Fi 802.11ax, Bluetooth 5.0, រន្ធដោតកាស និងរន្ធ Surface Connect ផងដែរ។
សម្រាប់តម្លៃវិញគឺ ៥៥០ដុល្លារ សម្រាប់ប្រភេទ RAM 4GB/អង្គផ្ទុក 64GB, តម្លៃ ៧០០ដុល្លារ សម្រាប់ប្រភេទ RAM 8GB/អង្គផ្ទុក 128GB និងតម្លៃ ៩០០ដុល្លារ សម្រាប់ RAM 8GB/អង្គផ្ទុក 256GB៕