- 2020-10-02 02:18:00
- ព័ត៌មាន
ចូលចិត្តជិះម៉ូតូផ្សងព្រេង បើអាចគួរបណ្ដាក់ទុនលុយធំបន្តិចទៅ
- 2020-10-02 02:18:00
- ចំនួនមតិ 0 | ចំនួនចែករំលែក 0
ចូលចិត្តជិះម៉ូតូផ្សងព្រេង បើអាចគួរបណ្ដាក់ទុនលុយធំបន្តិចទៅ
ចន្លោះមិនឃើញ
ក្នុងរយៈពេលប៉ុន្មានខែចុងក្រោយនេះ ទំនោរក្នុងការប្រើប្រាស់ម៉ូតូទំហំម៉ាស៊ីនលើសពី ១២៥សេសេ កាន់តែទទួលបានការពេញនិយមខ្លាំងឡើង។ អ្នកប្រើប្រាស់ភាគច្រើនបានសម្លឹងមើលម៉ូតូម៉ាស៊ីនធំ ដែលអាចបើកបរផ្លូវឆ្ងាយបានដោយទំនុកចិត្ត ជាពិសេសនៅអំឡុងរដូវកាលកូវីដ១៩នេះដែលគេនិយមជិះម៉ូតូធ្វើដំណើរទៅតាមខេត្តឆ្ងាយៗ។
ដោយឡែក សម្រាប់អ្នកដែលពិបាកសម្រេចចិត្តក្នុងការជ្រើសរើសម៉ូតូសម្រាប់ប្រើប្រាស់តម្រូវទៅទម្លាប់នៃការប្រើប្រាស់របស់ខ្លួន អាចតាមដាននូវការណែនាំខ្លីៗដូចខាងក្រោមនេះ ៖
សម្រាប់ការជិះជាប្រចាំថ្ងៃនៅក្នុងទីក្រុងអ្នកអាចជ្រើសរើសម៉ូតូដែលម៉ាស៊ីនមិនធំពេក អាចក្រោម ១២៥សេសេក៏បាន។ ដោយឡែកប្រសិនបើអ្នកត្រូវធ្វើដំណើរលើផ្លូវជាតិជាប្រចាំថ្ងៃ រវាងផ្ទះទៅកាន់កន្លែងធ្វើការ អ្នកប្រហែលជាត្រូវការម៉ូតូម៉ាស៊ីនទំហំ ១២៥សេសេ ឬលើសនេះបន្តិចបន្តួច។ សម្រាប់ការប្រើប្រាស់ប្រភេទនេះម៉ូតូប្រភេទអូតូដូចជា Honda Scoopy ឬ Zoomer-X ជាដើម ទទួលបានការពេញនិយមខ្លាំង។
មនុស្សមួយចំនួនតូចតែងតែឧស្សាហ៍មានកិច្ចការដែលត្រូវធ្វើដំណើរផ្លូវឆ្ងាយ ដែលតម្រូវឲ្យមានម៉ូតូកម្លាំងខ្លាំង ហើយអាចផ្ទុកប្រេងបានច្រើន។ ម៉ូតូម៉ាស៊ីនទំហំ ១២៥សេសេ នៅអាចទ្រាំទ្រការបើកបររយៈចម្ងាយនេះជាប្រចាំបាន ហើយ Honda Dream 125cc គឺជាជម្រើសដ៏ពេញនិយមមួយ។
នៅពេលដែលអ្នកត្រូវធ្វើដំណើរលើសពី ១០០គីឡូម៉ែត្រជាញឹកញាប់ មិនថាសម្រាប់ការងារ ឬសម្រាប់ការជិះកម្សាន្ត ម៉ូតូប្រភេទ Scooter មិនអាចទ្រាំទ្រកិច្ចការនេះបានដោយមានប្រសិទ្ធភាពនោះទេ ដោយត្រូវបណ្ដាក់ទុនលើម៉ូតូដែលអាចទុកចិត្តបាន។ ម៉ូតូដែលមានអាយុកាលចំណាស់បំផុតម៉ាក Royal Enfield ដែលទើបមកកាន់ទីផ្សារកម្ពុជា គឺស័ក្តិសមបំផុតសម្រាប់ការធ្វើដំណើរឆ្ងាយៗ ហើយផ្ដល់ផាសុកភាព និងសុវត្ថិភាពក្នុងការបើកបរទៀតផង។ ជាក់ស្ដែងដូចជាម៉ូដែល Royal Enfield Interceptor ម៉ាស៊ីន ៦៥០សេសេ អាចទ្រាំទ្រនឹងការបើកចម្ងាយដល់ ១គីឡូម៉ែត្រ ដោយមិនធ្លាក់សមត្ថភាពឡើយ។ វាមានតម្លៃខ្ទង់ ៦ពាន់ដុល្លារប៉ុណ្ណោះ ដែលមានភ្ជាប់មកនូវការធានាចំនួន ៣៦ខែផងដែរ។
ប្រទេសកម្ពុជា មានទីកន្លែងជាច្រើនសម្រាប់អ្នកចូលចិត្តធ្វើដំណើរផ្សងព្រេង ហើយម៉ាក Royal Enfield មានម៉ូតូដ៏សក្ដិសមតម្លៃក្រោម ៥០០០ដុល្លារ ជាមួយការធានារយៈពេល ២ឆ្នាំ។ ម៉ូតូម៉ូដែល Royal Enfield Himalayan មិនត្រឹមតែមានការឌីហ្សាញស្អាត ប៉ុន្តែវាមានរូបរាងតូច ងាយស្រួលជិះ។ លើសពីនេះវាក៏មានកម្លាំងស្ទុះ ហើយទប់លំនឹងបានល្អសម្រាប់ការបើកបរលើផ្លូវពិបាកៗ (Off-Road) ទៀតផង។
សម្រាប់អ្នកដែលអាចចំណាយលើសពីខ្ទង់ ៣ម៉ឺនដុល្លារលើម៉ូតូ ម៉ាកម៉ូតូ Harley Davidson អាចជាជម្រើសដែលគេគិតដល់មុនគេ ដោយសារជាម៉ូតូអាមេរិកដ៏ល្អឥតខ្ចោះមួយ។ ទោះបីជាម៉ាកម៉ូតូ Harley Davidson មានតម្លៃថ្លៃបន្តិច ប៉ុន្តែមានកិត្យានុភាពខ្ពស់បំផុត៕
