- 2020-09-28 01:51:25
- ព័ត៌មាន
ភ័ស្ដុតាងស្ដែងៗប៉ុណ្ណេះហើយ ល្មមជឿជាក់ថា iPhone 12 នឹងមានឈ្មោះបែបនេះ
- 2020-09-28 01:51:25
- ចំនួនមតិ 0 | ចំនួនចែករំលែក 0
ភ័ស្ដុតាងស្ដែងៗប៉ុណ្ណេះហើយ ល្មមជឿជាក់ថា iPhone 12 នឹងមានឈ្មោះបែបនេះ
ចន្លោះមិនឃើញ
ប្រភពចំនួនពីរដែលធ្លាប់ឲ្យដំណឹងច្បាស់ការណ៍ជាច្រើនលើក បានបញ្ជាក់ដូចគ្នាអំពីឈ្មោះ iPhone ជំនាន់ថ្មីទាំងបួនម៉ូដែល ដែលរំពឹងថានឹងប្រកាសចេញនាក្នុងខែតុលាខាងមុខនេះ។
ទីមួយគឺចេញពីគណនី Twitter ឈ្មោះថា @DuanRui ដែលកាលពីខែមុនគណនីនេះបានឲ្យដំណឹងចំអំពីការឌីហ្សាញរបស់ iPad Air ជំនាន់ថ្មី ដែលបានប្រកាសកាលពីពាក់កណ្ដាលខែកញ្ញា។ គណនីនេះបានបង្ហោះរូបភាពថ្មីមួយ ដែលអះអាងថាជាស្ទីកគ័រសម្រាប់សម្បកការពារប្រភេទស៊ីលីកូនរបស់ iPhone ជំនាន់ថ្មី។
បើតាមរូបភាពស្ទីកគ័របានបង្ហាញថា iPhone ជំនាន់ថ្មីទាំងបួនគឺមានឈ្មោះថា iPhone 12 mini, iPhone 12, iPhone 12 Pro និងមួយទៀតជា iPhone 12 Pro Max។ ចំណែកដំណឹងមួយទៀតចេញពីគណនីឈ្មោះ @l0vetodream បានបង្ហោះអំពីឈ្មោះដូចគ្នាកាលពីដើមសប្ដាហ៍មុន។
គួរដឹងថា iPhone 12 mini អាចជាឈ្មោះ iPhone អេក្រង់ទំហំ ៥,៤អ៊ីញ ហើយ iPhone 12/12 Pro ជាឈ្មោះ iPhone ដែលមានអេក្រង់ទំហំ ៦,១អ៊ីញដូចគ្នា និងមួយទៀត iPhone 12 Pro Max ជាឈ្មោះ iPhone អេក្រង់ទំហំ ៦,៧អ៊ីញ។
iPhone ថ្មីទាំងបួនរំពឹងថានឹងប្រើអេក្រង់ OLED ទាំងអស់ និងគាំទ្រនូវបច្ចេកវិទ្យា 5G ផងដែរ។ iPhone 12 Pro និង 12 Pro Max រំពឹងថាដាក់កាមេរ៉ាក្រោយបីគ្រាប់ និងមានបន្ថែមនូវ Sensor LiDAR សម្រាប់ការ Focus ច្បាស់ជាងមុន និងសម្រាប់ទ្រាំទ្រនូវបច្ចេកវិទ្យា AR ជាដើម៕