- 2020-09-23 08:49:57
- ព័ត៌មាន
នេះជាទូរសព្ទតម្លៃធូរដំបូងគេនៅខ្មែរ ដែលមានបច្ចេកវិទ្យាសាកថ្មលឿន 65W
- 2020-09-23 08:49:57
- ចំនួនមតិ 0 | ចំនួនចែករំលែក 0
នេះជាទូរសព្ទតម្លៃធូរដំបូងគេនៅខ្មែរ ដែលមានបច្ចេកវិទ្យាសាកថ្មលឿន 65W
ចន្លោះមិនឃើញ
កាលពីថ្មីៗនេះ realme បានប្រកាសថា realme 7 series ដែលមានបំពាក់បច្ចេកវិទ្យាសាកថ្មលឿន 65W SuperDart Charge ដែលជិតនឹងដាក់ប្រកាសឆាប់ៗនេះ អាចសាកបានដល់ 50% ក្នុងរយៈពេលត្រឹម ១២នាទី។
នេះមានន័យថា realmeនឹងក្លាយជាក្រុមហ៊ុនស្មាតហ្វូនដំបូងគេនៅក្នុងប្រទេសកម្ពុជាដែលបាននាំយកបច្ចេកវិទ្យាសាកថ្មលឿនកម្រិត Flagship ដាក់នៅលើស្មាតហ្វូនជួរតម្លៃ$300-$400 អាចឲ្យយុវវ័យកាន់តែច្រើនបានប្រើប្រាស់បច្ចេកវិទ្យាពេញនិយមនិងឈានមុខគេ និងក្លាយជាអ្នកផ្សព្វផ្សាយបច្ចេកវិទ្យាពេញនិយមពិតប្រាកដ។
រំលឹកឡើងវិញដល់ផលិតផល realme series កាលពីមុន តែងតែទទួលបានការគាំទ្រពីសំណាក់អ្នកប្រើប្រាស់វ័យក្មេងជាច្រើនទៅលើផ្នែកសមត្ថភាពម៉ាសុីននិងការកាន់ថ្មបានយូរ។ កាលពីដើមឆ្នាំ២០២០ ត្រកូល realme 6 series បានក្លាយជាស្មាតហ្វូនដំបូងគេក្នុងជួរតម្លៃនេះដែលមានបំពាក់បច្ចេកវិទ្យាសាកលឿន 30W Dart Charge។
បច្ចុប្បន្ននេះ បច្ចេកវិទ្យាសាកថ្មលឿន 65W SuperDart Charge គឺជាការកែប្រែដ៏ធំថ្មីមួយនៃ realme Number series ដែល realme 6 series មានបច្ចេកវិទ្យា 30W Dart Charge ហើយស្មាតហ្វូន realme 7 series បានមានការដំឡើងដល់ 65W SuperDart Charge នៅខណពេលអស់ថ្ម គឺវាអាចសាកថ្មបាន13%ក្នុងរយៈពេល3នាទី 12នាទីបានប្រហែល 50% និងអាចសាកដល់ពេញ 100%ក្នុងរយៈពេល34នាទី អាចធ្វើឲ្យអ្នកប្រើប្រាស់សន្សំសំចៃពេលវេលាបានច្រើន។
ក្រោយសាកថ្ម៣នាទី ផលិតផល realme 7 series អាចប្រើប្រាស់សម្រាប់មើល YouTubeបាន ២,៥ ម៉ោង លេង Instagram បាន ២ ម៉ោងនិងអាចលេង PUBG បាន៣វគ្គផងដែរ អាចបំពេញតម្រូវការអ្នកប្រើប្រាស់ដែលចូលចិត្តលេងទូរសព្ទកាន់តែច្រើន។
អ្វីដែលគួរឲ្យកត់សម្គាល់នោះគឺសុវត្ថិភាព ដែល realme 7 pro ជាទូរសព្ទដំបូងគេទទួលបានវិញ្ញាបនបត្របញ្ជាក់ពីគុណភាពពីស្ថាប័ន TÜV Rheinland ដែលជាស្ថាប័ន ត្រួតពិនិត្យគុណភាពនិងសុវត្ថិភាព ដែលក្នុងកំឡុងពេលសាកថ្មសីតុណ្ហភាពទូរសព្ទគឺអាចរក្សានៅក្រោម៤០អង្សាសេ ដែលនាំមកនូវបទពិសោធន៍ដ៏អស្ចារ្យ។
realme 7 series ដែលបំពាក់នូវបច្ចេកវិទ្យាសាកលឿន65W នឹងនាំមកនូវភាពភ្ញាក់ផ្អើលកាន់តែច្រើនដល់អ្នកទាំងអស់គ្នា ដូចនេះកុំភ្លេចរង់ចាំការប្រកាសចេញជាផ្លូវការទាំងអស់គ្នា៕