iPhone SE ជាទូរសព្ទលក់ដាច់ជាងគេលើទឹកដី Samsung

2020-09-14 02:33:48
ព័ត៌មាន

2020-09-14 02:33:48
ចំនួនមតិ 0 | ចំនួនចែករំលែក 0

ចន្លោះមិនឃើញ

តួលេខរបស់ក្រុមហ៊ុនស្រាវជ្រាវទីផ្សារ Counterpoint Research បានបង្ហាញថា iPhone SE ស៊េរីថ្មី គឺជាស្មាតហ្វូនដែលលក់ដាច់ខ្លាំងជាងគេនៅប្រទេសកូរ៉េខាងត្បូង ក្នុងត្រីមាសទីពីរប្រចាំឆ្នាំ ២០២០។ វាបានជួយឲ្យចំណែកទីផ្សាររបស់ Apple នៅកូរ៉េ មានកំណើន ១% ធៀបនឹងត្រីមាសមុនឡើងដល់ ១៩%។

Samsung នៅតែជាក្រុមហ៊ុនដែលមានចំណែកទីផ្សារធំជាងគេនៅប្រទេសកូរ៉េខាងត្បូង មានរហូតដល់ ៦៧% ដែលកើន ៣% លើសពីត្រីមាសទីមួយ។ ជោគជ័យនេះគឺដោយសារតែត្រកូល Galaxy S20 និងដោយសារត្រកូល Galaxy A ផងដែរ

ក្នុងចំណោមស្មាតហ្វូនលក់ដាច់បានច្រើនជាងគេទាំង១០ នៅកូរ៉េ ក្នុងត្រីមាសទីពីរ មាន៥ម៉ូដែល គឺជា Galaxy A Series។ នេះបង្ហាញថាតម្រូវការស្មាតហ្វូនលំដាប់ថវិកាមានកំណើនខ្លាំងក្លា អំឡុងពេលដែលជំងឺកូវីដ១៩ផ្ទុះឡើង។

ក្រុមហ៊ុន LG មានចំណែកទីផ្សារ ១៣% នៅកូរ៉េខាងត្បូង ដែលឈរនៅចំណាត់ថ្នាក់លេខ ៣ ដែលចំណែកទីផ្សារនេះមានការថយចុះ ៣% ធៀបនឹងត្រីមាសមុន។

សរុបជាមួយស្មាតហ្វូនដែលលក់ចេញនៅប្រទេសកូរ៉េខាងត្បូងនៅត្រីមាសទីពីរ គឺមានច្រើនជាងត្រីមាសទីមួយចំនួន ៩% ប៉ុន្តែធ្លាក់ចុះ ៨% បើធៀបនឹងត្រីមាសទីពីរឆ្នាំ ២០១៩។ ស្មាតហ្វូនតម្លៃក្រោម ៤០០ដុល្លារ មាន ៤៥% នៃចំនួនលក់សរុបរបស់ស្មាតហ្វូន ដែលកើនឡើង ៣៣% លើសឆ្នាំមុន៕

ប្រភព៖ Zing ប្រែសម្រួល៖ សុខហេង