- 2020-09-11 08:19:04
- ព័ត៌មាន
Huawei ប្រកាសចេញផលិតផលថ្មីច្រើនសន្ធឹក កាលពីម្សិលមិញ
- 2020-09-11 08:19:04
- ចំនួនមតិ 0 | ចំនួនចែករំលែក 0
Huawei ប្រកាសចេញផលិតផលថ្មីច្រើនសន្ធឹក កាលពីម្សិលមិញ
ចន្លោះមិនឃើញ
កាលពីម្សិលមិញនេះ សន្និសីទអ្នកអភិវឌ្ឍកម្មវិធីក្រុមហ៊ុនហួវៃ ប្រចំាឆ្នាំ ២០២០ (រួមគ្នា) ត្រូវបានប្រារព្ធធ្វើឡើងនៅឯ Songshan Lake ទីក្រុង DONGGUAN ប្រទេសចិន។
នៅក្នុងសុន្ទរកថា ក្រុមហ៊ុន Huawei បានប្រកាសចេញប្រព័ន្ធប្រតិបត្តិការ HarmonyOS 2.0, EMUI 11, HMS (Huawei Mobile Services), HUAWEI HiLink និង HUAWEI Research ។ ការកែលំអទាំងនេះនឹងអនុញ្ញាតដល់អ្នកអភិវឌ្ឍកម្មវិធីសកល និងដៃគូប្រព័ន្ធអេកូឡូស៊ី ក្នុងការផលិតនូវឧបករណ៍ឆ្លាតវៃបែបច្នៃប្រឌិត ដែលនឹងផ្តល់នូវបទពិសោធន៍ដ៏ថ្មីស្រឡាងសម្រាប់អ្នកប្រើប្រាស់។
ទន្ទឹមនឹងនេះ ក្រុមហ៊ុន Huawei ក៏បានបង្ហាញនូវផលិតផលថ្មីចំនួន ៦ ដូចជា HUAWEI MateBook X, HUAWEI MateBook 14, HUAWEI WATCH GT 2 Pro, HUAWEI FreeBuds Pro, HUAWEI WATCH FIT និង HUAWEI FreeLace Pro ដែលនឹងផ្តល់បទពិសោធន៍ថ្មីគ្រប់សេណារីយ៉ូទាំងដល់អ្នកប្រើប្រាស់។
ក្នុងរយៈពេលបីថ្ងៃនេះ ក្រុមហ៊ុន Huawei នឹងប្រមូលផ្តុំអ្នកអភិវឌ្ឍកម្មវិធីមកពីជុំវិញពិភពលោកតាមរយៈវេទិការបច្ចេកវិទ្យាខ្នាតអន្តរជាតិដ៏គួរឲ្យភ្ញាក់ផ្អើលបំផុត។ វានឹងផ្តល់នូវឱកាសសម្រាប់អ្នកអភិវឌ្ឍកម្មវិធីក្នុងការ ភ្ជាប់បណ្តាញសហការ និង រិះរកវិធីដើម្បីនាំមកនូវបទពិសោធន៍ដ៏ថ្មីអស្ចារ្យ គ្រប់សេណារីយ៉ូ សម្រាប់អ្នកប្រើប្រាស់គ្រប់រូប។
លោក Richard Yu ប្រធាននាយកប្រតិបត្តិ ផ្នែកអាជីវកម្មអតិថិជនរបស់ក្រុមហ៊ុន Huawei បានមានប្រសាសន៍ថា ៖ “របកគំហើញរបស់ក្រុមហ៊ុន Huawei ក្នុងការអភិវឌ្ឍប្រព័ន្ធអេកូឡូស៊ីគឺជាលទ្ធផលនៃការគាំទ្រយ៉ាងខ្លាំងពីសំណាក់អ្នកអភិវឌ្ឍកម្មវិធីនិងដៃគូសកល។“ ក្រុមហ៊ុន Huawei នឹងបើកនូវបច្ចេកវិទ្យាស្នូលក៏ដូចជាសមត្ថភាពផ្នែក software និង hardware ដល់អ្នកអភិវឌ្ឍកម្មវិធី ដោយសហការជាមួយពួកគេដើម្បីជំរុញការច្នៃប្រឌិតថ្មីនៃប្រព័ន្ធអេកូឡូស៊ីឆ្លាតវៃ។ អ្នកអភិវឌ្ឍកម្មវិធីរបស់យើងម្នាក់ៗគឺផ្កាយរះនៅពេលយប់ដ៏ខ្មៅងងឹតបំផុត។ អ្នកអភិវឌ្ឍន៍របស់យើងម្នាក់ៗគឺជាដួងតារា ដែលមានសមត្ថភាពអាចធ្វើឲ្យពេលយប់ងងឹតខ្លាំងបំផុត ក្លាយជាមានពន្លឺត្រចេះត្រចង់ តាមរយៈការរួមបញ្ចូលគ្នាជាបណ្តុំ៕