- 2020-09-04 02:46:10
- ផលិតផលថ្មី
អស្ចារ្យពេកហើយ! អេក្រង់ OLED សាកថ្មកន្លះម៉ោងពេញ តម្លៃវិញមិនដល់ ៣០០ដុល្លារ
- 2020-09-04 02:46:10
- ចំនួនមតិ 0 | ចំនួនចែករំលែក 0
អស្ចារ្យពេកហើយ! អេក្រង់ OLED សាកថ្មកន្លះម៉ោងពេញ តម្លៃវិញមិនដល់ ៣០០ដុល្លារ
ចន្លោះមិនឃើញ
realme បានប្រកាសចេញ realme 6 និង realme 6 Pro កាលពី៦ខែមុន ហើយពេលនេះក្រុមហ៊ុនបានប្រកាសចេញអ្នកស្នងតំណែង ដែលជាម៉ូដែល realme 7 និង realme 7 Pro។ ស្មាតហ្វូនថ្មីមានពង្រឹងសមត្ថភាពលើកាមេរ៉ា, ថ្មទំហំកាន់តែធំ, សាកថ្មលឿន និងមានប្រើប្រាស់ការឌីហ្សាញថ្មីផងដែរ។
ចាប់ផ្ដើមពី realme 7 Pro មុន វាមានដំណើរការដោយបន្ទះឈីប Snapdragon 720G ដូចជា realme 6 Pro ដែរ ប៉ុន្តែវាមានផ្នែកដទៃទៀតដែលលេចធ្លោលើសមុន។ លេចធ្លោខ្លាំងបំផុតនោះគឺបច្ចេកវិទ្យាសាកថ្ម SuperDart 65W ដែលកន្លងមកមានតែនៅលើស្មាតហ្វូនតម្លៃថ្លៃរបស់ realme ប៉ុណ្ណោះ។ realme អះអាងថាវាអាចសាកថ្មទំហំ ៤៥០០ mAh របស់ 7 Pro បានដល់ ១០០% ក្នុងពេលត្រឹម ៣៤នាទី។
ចំណែកអេក្រង់វិញគេបានផ្លាស់ប្ដូរពីអេក្រង់ LCD មកប្រើអេក្រង់ Super AMOLED ដែលមានទំហំ ៦,៤អ៊ីញ អាចបង្ហាញរូបភាពក្នុងកម្រិត FHD+ ហើយ Refresh Rate បានទម្លាក់ពី 90Hz មកសល់ត្រឹម 60Hz។ realme បានបកស្រាយថាការផ្លាស់នេះក៏ព្រោះតែមានការផ្ដល់មតិពីអតិថិជន ដែលពួកគេពេញចិត្តអេក្រង់ AMOLED 60Hz ជាជាងអេក្រង់ LCD 90Hz។ បន្ថែមពីនេះដែរគេបានបន្ថែមមុខងារ Alaways-on Display និងទ្រនាប់ស្កេនម្រាមដៃបង្កប់ក្រោមអេក្រង់ ជំនួសឲ្យទ្រនាប់ស្កេនដែលធ្លាប់ដាក់នៅផ្នែកចំហៀង។
realme 7 Pro មានបំពាក់កាមេរ៉ាសរុបចំនួន ៥គ្រាប់ តិចជាងមុនមួយគ្រាប់ ដោយគេបានដកចេញនូវកាមេរ៉ា Ultrawide ផ្នែកខាងមុខ ដែលលើកនេះនៅផ្នែកខាងមុខគឺមានតែកាមេរ៉ាមួយគ្រាប់ទំហំ ៣២MP។ ផ្នែកខាងក្រោយមានកាមេរ៉ាមេទំហំ ៦៤MP ជា Sony Sensor IMX682, កាមេរ៉ា Ultrawide ទំហំ ៨MP, កាមេរ៉ា Macro ទំហំ ២MP និងកាមេរ៉ាវាស់ជម្រៅទំហំ ២MP។
realme 7 Pro មានបច្ចេកវិទ្យាសំឡេង Dolby Atmos និងមានបំពាក់ដោយរន្ធបំពងសំឡេងបែប Stereo ដែលពីមុនមកគេឃើញមានតែនៅលើស្មាតហ្វូនតម្លៃថ្លៃរបស់ realme ប៉ុណ្ណោះ។ ចំណុចផ្សេងទៀតមានដូចជាការប្រើរន្ធ USB Type-C, មានរន្ធកាស 3.5mm និងមានរន្ធដោតមេមូរីកាតជាដើម។ ប៉ុន្តែវាមានសមត្ថភាពការពារទឹក និងធូលីដីកម្រិតទាបមួយ ដែលអាចទប់ទល់ត្រឹមទឹកសាចពីលើប៉ុណ្ណោះ។
realme 7 Pro មានជម្រើស RAM/ROM ពីរប្រភេទគឺ RAM 6GB/ROM 128GB និង RAM 8GB/ROM 128GB ដែលមួយមានតម្លៃប្រមាណ ២៧០ដុល្លារ និងមួយទៀតមានតម្លៃប្រមាណ ៣០០ដុល្លារ ចាប់ផ្ដើមលក់នៅប្រទេសឥណ្ឌានាថ្ងៃទី១៤ ខែកញ្ញា។
realme 7 មានបំពាក់អេក្រង់ ៦,៥អ៊ីញ ប្រភេទ LCD 90Hz អាចបង្ហាញរូបភាពកម្រិត FHD+ ដូចមុន ហើយវាជាស្មាតហ្វូនដំបូងក្នុងលោកដែលមានបំពាក់បន្ទះឈីប Helio G95 ទើបប្រកាសចេញថ្មីៗនេះ។
ទំហំថ្មបានដំឡើងពី ៤៣០០ mAh ឡើងដល់ ៥០០០mAh ប៉ុន្តែវានៅតែប្រើបច្ចេកវិទ្យាសាកថ្មកម្លាំង 30W ដែល realme អះអាងថាចំណាយពេលសាក ៦៥នាទីប៉ុណ្ណោះ។
ចំពោះផ្នែកកាមេរ៉ាវិញវាមានកាមេរ៉ាមេទំហំ ៦៤MP ជា Sensor Sony ដូចជានៅលើ 7 Pro ដែរ គួបផ្សំដោយកាមេរ៉ា Ultrawide ទំហំ ៨MP, កាមេរ៉ា Macro ទំហំ ២MP និងកាមេរ៉ាវាស់ជម្រៅទំហំ ២MP ហើយមានកាមេរ៉ា Selfie ទំហំ ១៦MP។
ចំណុចផ្សេងទៀតមានដូចជាការប្រើរន្ធ USB Type-C, មានរន្ធកាស 3.5mm , ទ្រនាប់ស្កេនម្រាមដៃនៅផ្នែកចំហៀង និងមានរន្ធដោតមេមូរីកាត ហើយអាចទប់ទល់ត្រឹមទឹកសាចពីលើដូចជា 7 Pro ដែរ។
realme 7 មានប្រភេទ RAM 6GB/ROM 64GB ដែលមានតម្លៃប្រមាណ ២០៥ដុល្លារ និងប្រភេទ RAM 8GB/ROM 128GB តម្លៃប្រមាណ ២៣០ដុល្លារ ដាក់លក់នៅប្រទេសឥណ្ឌាចាប់ពីថ្ងៃទី១០ ខែកញ្ញា៕
