- 2020-09-02 02:42:59
- ផលិតផលថ្មី
ទូរសព្ទ 5G នេះតម្លៃត្រឹម ១៤៦ដុល្លារ
- 2020-09-02 02:42:59
- ចំនួនមតិ 0 | ចំនួនចែករំលែក 0
ទូរសព្ទ 5G នេះតម្លៃត្រឹម ១៤៦ដុល្លារ
ចន្លោះមិនឃើញ
កាលពីយប់មិញនេះ realme បានប្រកាសចេញស្មាតហ្វូន 5G ថ្មីចំនួនបីសម្រាប់ទីផ្សារប្រទេសចិន ដែលក្នុងនោះមាន realme X7 និង realme X7 Pro ជាស្មាតហ្វូនលំដាប់ថវិកា និង realme V3 5G ជាស្មាតហ្វូន 5G តម្លៃធូរថ្លៃជាងគេបំផុតនាពេលនេះ។
realme V3 5G នៅក្នុងប្រទេសចិនមានដាក់លក់ក្នុងតម្លៃត្រឹមប្រមាណ ១៤៦ដុល្លារប៉ុណ្ណោះ ដែលមានប្រើប្រាស់នូវបន្ទះឈីប Dimensity 720 របស់ក្រុមហ៊ុន Mediatek។
វាមានបំពាក់អេក្រង់ LCD ទំហំ ៦,៥អ៊ីញ អាចបង្ហាញរូបភាពក្នុងកម្រិត HD+ និងមានរចនាបថអេក្រង់រាងជាតំណក់ទឹកសម្រាប់បំពាក់កាមេរ៉ា Selfie ទំហំ ៨MP។ ទ្រនាប់ស្កេនម្រាមដៃស្ថិតនៅផ្នែកខាងក្រោយ។
កាមេរ៉ាខាងក្រោយមានចំនួនបីគ្រាប់ ដែលកាមេរ៉ាមេទំហំ ១៣MP មាន Aperture f/2.2 និងមានគួបផ្សំដោយកាមេរ៉ាទំហំ ២MP Aperture f/2.4 ចំនួនពីរ ដោយមានសម្រាប់ការថតកៀកនឹង Object និងមួយទៀតសម្រាប់ការថតរូប Portrait។
realme V3 5G មានបំពាក់ថ្មទំហំ ៥០០០ mAh ដែលទ្រាំទ្រការសាកកម្លាំង 18W តាមរយៈរន្ធ USB-C ហើយវាក៏មានរន្ធកាស 3.5mm នៅក្បែររន្ធ USB ផងដែរ។
ស្មាតហ្វូននេះមានតម្លៃប្រមាណ ១៤៦ដុល្លារសម្រាប់ RAM 6GB/ROM 64GB, តម្លៃប្រមាណ ២០៥ដុល្លារ សម្រាប់ RAM 6GB/ROM 128GB និងប្រមាណ ២៣៥ដុល្លារ សម្រាប់ RAM 8GB/ROM 128GB។ ប្រភេទធូរជាងគេនឹងចេញលក់នាថ្ងៃទី៩ ខែកញ្ញា ចំណែកពីរប្រភេទទៀតចេញលក់នាថ្ងៃទី១៩ ខែកញ្ញា។
realme X7 ប្រើប្រាស់ឈីបដែលផលិតដោយបច្ចេកវិទ្យា 7nm ដែលជាបន្ទះឈីប Mediatek Dimensity 800U។ GPU គឺជាប្រភេទ Mali-G57 ដែលគួបផ្សំនឹង RAM ទំហំ ៦GB ឬ ៨GB ប្រភេទ LPDDR4X និងអង្គផ្ទុកទំហំ ១២៨GB។
អេក្រង់មានទំហំ ៦,៤អ៊ីញ ជាប្រភេទ AMOLED ដែលមានសមត្ថភាពបង្ហាញរូបភាពកម្រិត FHD+ និងមានចោះរន្ធបំពាក់កាមេរ៉ា Selfie ទំហំ ៣២MP ដែលមាន Aperture f/2.5 ហើយមានបង្កប់ទ្រនាប់ស្កេនម្រាមដៃក្រោមអេក្រង់ផងដែរ។
នៅខាងក្រោយមានកាមេរ៉ាបួនគ្រាប់ ដែលកាមេរ៉ាមេទំហំ ៦៤MP Aperture f/1.8, កាមេរ៉ា Ultrawide ទំហំ ៨MP Aperture f/2.3, កាមេរ៉ាស-ខ្មៅទំហំ ២MP និងកាមេរ៉ា Macro ទំហំ ២MP។
realme X7 មានថ្មទំហំ ៤៣០០mAh ដែលអាចសាកក្នុងល្បឿន 65W តាមរយៈរន្ធ USB-C។ ស្មាតហ្វូននេះមានតម្លៃចាប់ពីប្រមាណ ២៦៥ដុល្លារ ដែលនឹងចេញលក់លើទីផ្សារប្រទេសចិននាថ្ងៃទី៧ ខែកញ្ញា។
X7 Pro មានបំពាក់អេក្រង់ទំហំ ៦,៥៥អ៊ីញ ប្រភេទ AMOLED ដែលមាន Refresh Rate 120Hz និងមានកាមេរ៉ា Selfie ទំហំ ៣២MP។
វាមានដំណើរការដផយបន្ទះឈីប Dimensity 1000+ ជាបន្ទះឈីបកំពូលនាពេលបច្ចុប្បន្នរបស់ក្រុមហ៊ុន Mediatek ដែលមានសមត្ថភាពក្បែរៗនឹងឈីប Snapdragon 865 ដែរ។ វាមានបំពាក់ដោយប្រព័ន្ធបញ្ចុះកម្ដៅ ដែលអាចជួយបញ្ចុះកម្ដៅបានរហូតដល់ ១០អង្សាសេ។
X7 Pro បំពាក់បច្ចេកវិទ្យាសាកថ្ម 65W ដូចជា X7 ដែរ ប៉ុន្តែវាមានថ្មទំហំធំជាងបន្តិចគឺ ៤៥០០mAh។ ចំពោះផ្នែកកាមេរ៉ាវិញ realme មិនបានផ្លាស់ប្ដូរឲ្យខុសពីប្រភេទ X7 ធម្មតាឡើយ។
ស្មាតហ្វូននេះមានជម្រើសតម្លៃចំនួនបី ដែលតម្លៃប្រមាណ ៣២០ដុល្លារសម្រាប់ RAM 6GB/ROM 128GB, តម្លៃប្រមាណ ៣៥០ដុល្លារ សម្រាប់ RAM 8GB/ROM 128GB និងតម្លៃប្រមាណ ៤៧០ដុល្លារ សម្រាប់ RAM 8GB/ROM 256GB។ realme X7 Pro នឹងចេញលក់នាថ្ងៃទី៧ ខែកញ្ញា៕