- 2020-08-26 03:12:52
- ព័ត៌មាន
ម្ចាស់ឡាន Tesla ប្រើវិធី Hack ឡានខ្លួន ដើម្បីបានសមត្ថភាពពិសេស
- 2020-08-26 03:12:52
- ចំនួនមតិ 0 | ចំនួនចែករំលែក 0
ម្ចាស់ឡាន Tesla ប្រើវិធី Hack ឡានខ្លួន ដើម្បីបានសមត្ថភាពពិសេស
ចន្លោះមិនឃើញ
រថយន្ត Tesla ជារថយន្តអគ្គិសនីដែលតែងតែទទួលបានការអាប់ដេត Software តាមរយៈអ៊ីនធឺណិតជាទៀងទាត់ដើម្បីដោះស្រាយបញ្ហាមួយចំនួន និងជួយបង្កើនសមត្ថភាពរថយន្តឲ្យកាន់តែល្អប្រសើរផងដែរ។
យ៉ាងណាក្ដីម្ចាស់រថយន្តអាចទិញយកមុខងារពិសេសមួយចំនួនតាមរយៈកម្មវិធីរបស់ Tesla។ ក្នុងនោះគឺមានមុខងារមួយឈ្មោះថា Acceleration Boost តម្លៃ ២ពាន់ដុល្លារ សម្រាប់រថយន្ត Tesla Model 3 ដែលអាចបន្ថែមកម្លាំង ៥០សេះបន្ថែមទៀតឲ្យម៉ូទ័ររថយន្ត និងបង្កើនសមត្ថភាពស្ទុះពី ០-៩៦គ.ម/ម៉ ដោយប្រើពេលត្រឹម ៣,៩វិនាទីប៉ុណ្ណោះ។
ប៉ុន្តែមានម្ចាស់រថយន្តមួយចំណែកបានស្វែងរកភ្នាក់ងារផ្សេងដទៃ ដើម្បីសន្សំសំចៃការចំណាយលើការទិញមុខងារ។ ក្រុមហ៊ុនឈ្មោះ Ingenext ជាក្រុមហ៊ុនជំនាញមួយដែលមានឧបករណ៍អាចឲ្យម្ចាស់រថយន្ត Tesla បើកដំណើរការមុខងារអាថ៌កំបាំងជាច្រើនលើរថយន្ត Tesla ដោយគិតថ្លៃពាក់កណ្ដាលនៃតម្លៃរបស់ក្រុមហ៊ុនប៉ុណ្ណោះ។
ម្ចាស់រថយន្តគ្រាន់តែដោតឧបករណ៍ចូលទៅក្នុង MCU ដែលជា Processor របស់រថយន្ត Tesla។ សូម្បីតែមុខងារ Drift Mode ក៏អាចបើកបានតាមរយៈឧបករណ៍របស់ក្រុមហ៊ុន Ingenext ផងដែរ។
ម្ចាស់រថយន្ត Tesla និយាយថាឧបករណ៍របស់ Ingenext មិនមានផលប៉ះពាល់អ្វីនោះឡើយ។ យ៉ាងណាក្ដីពេលដែល Tesla បញ្ចេញការអាប់ដេត Software ថ្មី ឧបករណ៍របស់ Ingenext នឹងមិនដំណើរការនោះទេ។ Ingenext នឹងត្រូវការពេលប្រមាណ ២សប្ដាហ៍ ដើម្បីដោះស្រាយរូបមន្តថ្មីរបស់ Tesla៕