/inter5/5f15536f7ad23_1595233080_medium.jpg)
- 2020-07-20 08:21:50
- ព័ត៌មាន
កូនស្រីពៅ Steve Jobs ស្រស់ស្អាតមិនធម្មតា តែមានដុងខុសពីឪពុក!
- 2020-07-20 08:21:50
- ចំនួនមតិ 0 | ចំនួនចែករំលែក 0
កូនស្រីពៅ Steve Jobs ស្រស់ស្អាតមិនធម្មតា តែមានដុងខុសពីឪពុក!
ចន្លោះមិនឃើញ
Steve Jobs បានជួយជ្រោមជ្រែង Apple រហូតជាប់ឈ្មោះជាក្រុមហ៊ុនមានទ្រព្យតម្លៃ ១ ទ្រីលានដុល្លារ។ ក្រោយមរណភាពរបស់អតីតនាយកប្រតិបត្តិក្រុមហ៊ុនយក្សអាមេរិក ទ្រព្យសម្បត្តិគ្រួសាររបស់លោកបច្ចុប្បន្នមានប្រមាណ ២១,៥ ពាន់លានដុល្លារ ។ នេះបើយោងតាមរបាយការណ៍ពី Forbes។
Steve មានកូនស្រី ៣ នាក់ និងកូនប្រុស ១ នាក់។ និយាយពីកូនស្រីពៅរបស់លោកមានឈ្មោះថាEve Jobs មានវ័យ ២០។
Eve Jobs បច្ចុប្បន្នកំពុងសិក្សានៅសកលវិទ្យាល័យល្បីបំផុតលំដាប់ទី ៥ របស់ពិភពលោក Stanford University ក៏ជាសាលាដែលឪពុកម្តាយរបស់នាងបានជួបគ្នា។ នាងនឹងបញ្ចប់ការសិក្សានាឆ្នាំ ២០២១។ បើផ្អែកតាមជីវប្រវត្តិបង្ហោះក្នុងគណនី Instagram។
ទេពកោសល្យពិសេសរបស់ Eve Jobs គឺកីឡាជិះសេះ ដោយកាលពីខែឧសភាឆ្នាំមុន នាងធ្លាប់ឈ្នះពានរង្វាន់ CSI 3 Grand Prix នៅ Split Rock Jumping Tour ក្នុងរដ្ឋ Kentucky សហរដ្ឋអាមេរិក ជាមួយទឹកប្រាក់ ១៣០ ០០០ ដុល្លារ។ ខែសីហាឆ្នាំដដែល នាងក៏បានផ្តួលជើងខ្លាំងអ្នកជិះសេះឯទៀត រហូតទទួលប្រាក់រង្វាន់ ១០០ ០០០ ដុល្លារ ក្នុងការប្រកួតមួយនៅប្រទេសកាណាដា។
នាងធ្លាប់បញ្ជាក់ក្នុងកិច្ចសម្ភាសន៍មួយកាលពីឆ្នាំ ២០១៦ ថា៖ "វាជាការល្អណាស់ក្នុងការមើលឃើញពីការខិតខំប្រឹងប្រែង ប៉ុន្តែអ្នកត្រូវតែស្ថិតក្នុងកម្រិតកំពូលមួយក្នុងការប្រកួត ដោយវាក៏បានបង្រៀនខ្ញុំពីភាពឯករាជ្យ ការលះបង់និងការព្យាយាមដែលខ្ញុំអាចអនុវត្តបានទៅគ្រប់ជ្រុងនៃជីវិតរបស់ខ្ញុំ"។
ជំនាញជិះសេះរបស់កូនស្រីស្ថាបនិក Apple ក៏មានការប្រកួតប្រជែងជាមួយកូនស្រីស្ថាបនិក Microsoft លោក Bill Gate ដោយក្មេងស្រី Jennifer វ័យ ២១ ឆ្នាំក៏មានទេពកោសល្យក្នុងវិស័យកីឡាប្រណាំងសេះនេះដូចគ្នា។
ក្រឡេកទៅអ្នកស្រី Laurene Powell Jobs ភរិយារបស់លោក Steve Jobs កាលពីឆ្នាំ ២០១៦ បានចំណាយប្រាក់ប្រមាណ ១៥,៣ លានដុល្លារ ទិញដីទំហំ ៣,៥ Acre (រង្វាស់ដីអង់គ្លេស) បើកកសិដ្ឋានចិញ្ចឹមសត្វនៅរដ្ឋ Florida។
គួរបញ្ជាក់ថា លោក Steve Jobs បានទទួលមរណភាពនាថ្ងៃទី ៥ តុលា ឆ្នាំ ២០១១ ដោយសារជំងឺមហារីក។
