- 2020-07-03 02:52:50
- ព័ត៌មាន
មនុស្សលោកបង្កើតសម្រាមអេឡិចត្រូនិក ច្រើនមិនធ្លាប់មាននៅឆ្នាំ ២០១៩
- 2020-07-03 02:52:50
- ចំនួនមតិ 0 | ចំនួនចែករំលែក 0
មនុស្សលោកបង្កើតសម្រាមអេឡិចត្រូនិក ច្រើនមិនធ្លាប់មាននៅឆ្នាំ ២០១៩
ចន្លោះមិនឃើញ
សម្រាមអេឡិចត្រូនិកនៅទូទាំងពិភពលោកកាលពីឆ្នាំ ២០១៩ មានចំនួនរហូតដល់ ៥៣,៦ពាន់លានគីឡូក្រាម ដែលក្នុងនោះមានទូរសព្ទ កុំព្យូទ័រ គ្រឿងបរិក្ខារផ្ទះ និងគ្រឿង Gadget ដទៃទៀតជាដើម។ វាជាកំណត់ត្រាថ្មីមួយដែលគេមិនធ្លាប់ជួបពីមុនមក។ នេះបើតាមរបាយការណ៍របស់ Global Waste។
១៧% នៃសំរាមទាំងនោះ ត្រូវគេយកកែច្នៃប្រើប្រាស់ឡើងវិញ។ ចំណែកឯសំរាមដែលនៅសេសសល់ភាគច្រើនត្រូវបានដឹកទៅកាន់គំនរសំរាម ឬដុតចោលជាដើម។ គេរំពឹងថាចំនួនសំរាមអេឡិចត្រូនិកនឹងបន្តកើនឡើងឥតឈប់ឈរ ដែលវាជាការគំរាមកំហែងដល់សុខភាពមនុស្ស និងបរិស្ថានជុំវិញផងដែរ។
ក្នុងសំរាមអេឡិចត្រូនិកដ៏ច្រើនសន្ធឹកនេះដែរ មានផ្ទុកនូវមាស ទង់ដែង ដែក និងវត្ថុធាតុមានតម្លៃដទៃទៀត ដែលមានតម្លៃប្រមាណ ៥៧ពាន់លានដុល្លារឯណោះ។ ប្រសិនបើគេប្រមូលយកវត្ថុធាតុទាំងនេះមកប្រើប្រាស់ឡើងវិញ វាអាចជួយដល់ផែនដីបានមួយចំណែកធំ ដោយគេមិនចាំបាច់ជីកយកវាពីផែនដី៕
