- 2020-07-01 04:54:35
- ព័ត៌មាន
OnePlus បញ្ជាក់ច្បាស់ហើយ ថាទូរសព្ទថ្មីរបស់ខ្លួននឹងលក់តម្លៃក្រោម ៥០០ដុល្លារ
- 2020-07-01 04:54:35
- ចំនួនមតិ 0 | ចំនួនចែករំលែក 0
OnePlus បញ្ជាក់ច្បាស់ហើយ ថាទូរសព្ទថ្មីរបស់ខ្លួននឹងលក់តម្លៃក្រោម ៥០០ដុល្លារ
ចន្លោះមិនឃើញ
OnePlus បានបង្ហោះវីដេអូភាគទីមួយនៃវីដេអូឯកសារចំនួន ៤វគ្គ រៀបរាប់លម្អិតអំពីការអភិវឌ្ឍន៍ស្មាតហ្វូន OnePlus Nord ដែលត្រៀមនឹងប្រកាសចេញឆាប់ៗនេះរបស់ខ្លួន។
ក្នុងវីដេអូនេះមិនបាននិយាយច្រើនអំពីស្មាតហ្វូនថ្មីនោះទេ ប៉ុន្តែមានការបញ្ជាក់ថាស្មាតហ្វូនថ្មីនេះនឹងមានឈ្មោះថា OnePlus Nord ពិតប្រាកដមែន។ មិនតែប៉ុណ្ណោះ Pete Lau ជាសហស្ថាបិក OnePlus បានបញ្ជាក់ថា OnePlus Nord នឹងដាក់លក់តម្លៃក្រោម ៥០០ដុល្លារ។ ស្មាតហ្វូនចុងក្រោយរបស់ OnePlus ដែលមានតម្លៃក្រោម ៥០០ដុល្លារ គឺ OnePlus 5T។
ក្នុងវីដេអូគេក៏ឃើញមានការបង្ហាញអំពីផលិតផលគំរូដំបូងសម្រាប់ OnePlus Nord ដែលមានបំពាក់កាមេរ៉ាភ្លោះលើអេក្រង់ ហើយមិនមានរន្ធដោតកាស 3.5 mm នោះទេ។ ទស្សនារូបភាពដែលថតចេញពីវីដេអូ ៖
កន្លងមកមានការលេចឮអំពីលក្ខណៈសម្បត្តិរបស់ OnePlus Nord ដោយវានឹងមានបំពាក់ឈីប Snapdragon 765, មានកាមេរ៉ាមុខភ្លោះចោះរន្ធលើអេក្រង់, កាមេរ៉ាក្រោយបួនគ្រាប់, អេក្រង់ 90Hz, មានល្បឿនសាក 30W ជាដើម៕
