បន្ទះឈីប Snapdragon 875 គាំទ្រការសាកថ្មកម្លាំងដល់ 100W

2020-06-30 01:34:15
ព័ត៌មាន

2020-06-30 01:34:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ចំណុចលេចធ្លោមួយរបស់បន្ទះឈីប Qualcomm Snapdragon 875 នឹងជាការគាំទ្រការសាកថ្មកម្លាំង 100W។ នេះបើតាមដំណឹងចេញពី Digital Chat Station។

Qualcomm អាចនឹងប្រកាសចេញបន្ទះឈីបកំពូលថ្មីនេះនាខែធ្នូខាងមុខ ហើយនឹងចាប់ផ្ដើមប្រើប្រាស់លើស្មាតហ្វូនចាប់ពីត្រីមាសទីមួយឆ្នាំក្រោយ។ បន្ទះឈីបកំពុងតែផលិតទ្រង់ទ្រាយធំដោយក្រុមហ៊ុន TSMC។ វាប្រហែលជាមានប្រើ Cortex-X1 ថ្មីជា Core សំខាន់ និង Cortex-A77 សម្រាប់ Core ធំបីទៀត។

ទន្ទឹមនឹងនេះដែរ គេរំពឹងថា Qualcom អាចនឹងបង្ហាញចេញនូវឈីប Snapdragon 865+ នាខែកក្កដាខាងមុខ ដែលវានឹងមានដំឡើងល្បឿនរបស់ Core សំខាន់ដល់ 3.09GHz ធៀបនឹង Core លើឈីប Snapdragon 865 មាន 2.84GHz។

ក្រុមហ៊ុនផលិតស្មាតហ្វូនអាចនឹងជម្រើសរើសប្រើឈីប Snapdragon 865+ ជំនួសឲ្យ Snapdragon 875 ដោយសារតែ Snapdragon 875 មានតម្លៃថ្លៃខ្លាំងបើធៀបនឹងឈីបមុន។ មួយឈុតរបស់ឈីប Snapdragon 875 នឹងមានតម្លៃដល់ទៅ ២៥០ដុល្លារ ខណៈដែលឈីប Snapdragon 865 មានតម្លៃប្រមាណ ១៥០-១៦០ដុល្លារ ប៉ុណ្ណោះ៕

ប្រភព៖ GSMarena ប្រែសម្រួល៖ សុខហេង