- 2020-06-25 02:58:09
- ព័ត៌មាន
OnePlus ជ្រុលដៃបង្ហាញឈ្មោះពិត ស្មាតហ្វូនតម្លៃធូរស៊េរីថ្មី
- 2020-06-25 02:58:09
- ចំនួនមតិ 0 | ចំនួនចែករំលែក 0
OnePlus ជ្រុលដៃបង្ហាញឈ្មោះពិត ស្មាតហ្វូនតម្លៃធូរស៊េរីថ្មី
ចន្លោះមិនឃើញ
ឈ្មោះរបស់ស្មាតហ្វូនតម្លៃធូរស៊េរីថ្មីដែល OnePlus ត្រៀមប្រកាសចេញនាខែក្រោយនៅតែជាមន្ទិលសង្ស័យមួយ ដោយកន្លងមកគេបានហៅវាថា OnePlus Z ផង និង OnePlus Nord ផង។ ពេលនេះ ការបង្ហោះរបស់ OnePlus លើ Instagram ហាក់បានបញ្ជាក់ពីឈ្មោះផ្លូវការរបស់ស្មាតហ្វូន។
OnePlus បានបង្ហោះរូបភាពមួយលើគណនី Instagram ឈ្មោះ OnePlusLiteZThing របស់ខ្លួន ដែលវាមានបង្ហាញអំពីកាតមួយសន្លឹក មានសរសេរឈ្មោះ Nord។ ពាក្យនៅលើកាតពិបាកឲ្យគេមើលយល់អត្ថន័យណាស់ ប៉ុន្តែសម្រាប់ឃ្លាដំបូងគេមើលទៅដូចជាសរសេរថា "your early support for OnePlus Nord means a lot” ដែលនេះអាចបញ្ជាក់ថា OnePlus Nord នឹងជាឈ្មោះផ្លូវការ។
ចចាមអារ៉ាមកន្លងមកអំពី OnePlus Nord បានឲ្យដឹងថាវាមានប្រើប្រាស់បន្ទះឈីប Snapdragon 765G ដែលគាំទ្រសេវា 5G, មានអេក្រង់ 90Hz និងកាមេរ៉ាខាងក្រោយចំនួនបួនគ្រាប់ ជាមួយតម្លៃខ្ទង់ ៣០០ដុល្លារ៕