- 2020-06-24 06:33:35
- ព័ត៌មាន
ក្រោយបំបែកកូដចេញ ដឹងច្បាស់ថា OnePlus នឹងចេញទូរសព្ទតម្លៃធូរនៅខែក្រោយ
- 2020-06-24 06:33:35
- ចំនួនមតិ 0 | ចំនួនចែករំលែក 0
ក្រោយបំបែកកូដចេញ ដឹងច្បាស់ថា OnePlus នឹងចេញទូរសព្ទតម្លៃធូរនៅខែក្រោយ
ចន្លោះមិនឃើញ
OnePlus បានប្រើប្រាស់គណនី Instagram ថ្មីឈ្មោះថា OnePlusLiteZThing ដើម្បីបង្ហោះរូបភាពនៃ Morse Code មួយ។ ពេលបំបែកកូដទៅគឺវាបង្ហាញនូវពាក្យថា "July” ដែលនេះអាចបញ្ជាក់បានថាស្មាតហ្វូនតម្លៃធូររបស់ OnePlus នឹងប្រកាសចេញខែក្រោយនេះតែម្ដង។
កន្លងមកមានការលេចធ្លាយថាស្មាតហ្វូនតម្លៃធូររបស់ OnePlus នឹងប្រកាសចេញនៅថ្ងៃទី ១០ ខែកក្កដា នៅប្រទេសឥណ្ឌា។ មើលទៅ OnePlus ទំនងជានឹងបង្ហាញព័ត៌មានបន្ថែមទៀតអំពីការប្រកាសចេញស្មាតហ្វូនថ្មី តាមរយៈ Challenge សម្រាយ Morse Code លើ Instagram។ ដូចរូបភាពកូដនេះគេបានដាក់ឈ្មោះថា "Crack the Code #1” ដូចនេះរំពឹងថានឹងមានការដោះកូដជាបន្តបន្ទាប់ទៀត។
ស្មាតហ្វូនដែល OnePlus ត្រៀមប្រកាសចេញ ត្រូវបានគេហៅឈ្មោះវា OnePlus Z ឬ OnePlus Nord តាមព័ត៌មានដែលបានលេចធ្លាយនាពេលកន្លងមកនេះ។ ស្មាតហ្វូននេះរំពឹងថាមានបំពាក់បន្ទះឈីប Snapdragon 765G ដែលគាំទ្រសេវា 5G ហើយវាអាចមានតម្លៃខ្ទង់ ៣០០ដុល្លារប៉ុណ្ណោះ៕