- 2020-06-22 06:14:22
- ព័ត៌មាន
ទូរសព្ទ OnePlus ថ្មី អាចមានតម្លៃចាប់ពី ២៩៩ដុល្លារ
- 2020-06-22 06:14:22
- ចំនួនមតិ 0 | ចំនួនចែករំលែក 0
ទូរសព្ទ OnePlus ថ្មី អាចមានតម្លៃចាប់ពី ២៩៩ដុល្លារ
ចន្លោះមិនឃើញ
សហស្ថាបនិក OnePlus លោក Carl Pie បានចែករំលែកឡើងវិញនូវការបង្ហោះមួយកាលពីឆ្នាំ ២០១៤ អំពីស្មាតហ្វូន OnePlus One ហើយវិបសាយ Android Central ជឿជាក់ថានេះជាការឲ្យតម្រុយអំពីតម្លៃស្មាតហ្វូន OnePlus ថ្មី។
OnePlus One ជាស្មាតហ្វូនដំបូងរបស់ក្រុមហ៊ុន ដែលពេលប្រកាសចេញដំបូងវាទទួលបានការចាប់អារម្មណ៍ខ្លាំង ព្រោះតែមានលក្ខណៈសម្បត្តិខ្លាំងដូចជាស្មាតហ្វូនតម្លៃថ្លៃ។ ពេលនោះវាមានតម្លៃចាប់ពី ២៩៩ដុល្លារ ដល់ថ្លៃបំផុតគឺ ៣៤៩ដុល្លារ។
ស្មាតហ្វូនថ្មីត្រូវបានគេដឹងថាមានឈ្មោះ OnePlus Nord ដែលវាមានបំពាក់ដោយបន្ទះឈីប Snapdragon 765G មានភ្ជាប់ដោយ Modem 5G មកជាស្រេច។ វានឹងមានអេក្រង់ទំហំ ៦,៤អ៊ីញ ដែលមាន Refresh Rate 90Hz ជាប្រភេទ AMOLED មានប្រព័ន្ធកាមេរ៉ាក្រោយបួនគ្រាប់។
OnePlus Nord ទំនងជាមានថ្មទំហំ ៤០០០ mAh ដែលគាំទ្រការសាកល្បឿន ៣០វ៉ាត់ ហើយរំពឹងថានឹងមានអង្គផ្ទុកយ៉ាងហោចណាស់ ១២៨GB ជាមួយ RAM ទំហំ ៨GB ឬ ១២GB។ OnePlus ប្រហែលជាប្រកាសស្មាតហ្វូនថ្មីនេះ នៅខែកក្កដាខាងមុខ ដោយនឹងចេញលក់នៅឥណ្ឌាមុន រួចទើបចេញលក់នៅអឺរ៉ុប និងអាមេរិកជាក្រោយ៕
