- 2020-06-22 04:14:42
- ព័ត៌មាន
ទិញឡានថ្មីជិះ អត់មានឈឺក្បាលរឿងផ្ទេរកម្មសិទ្ធិបន្តិចសោះ
- 2020-06-22 04:14:42
- ចំនួនមតិ 0 | ចំនួនចែករំលែក 0
ទិញឡានថ្មីជិះ អត់មានឈឺក្បាលរឿងផ្ទេរកម្មសិទ្ធិបន្តិចសោះ
ចន្លោះមិនឃើញ
រវាងរថយន្តថ្មី និងរថយន្តមួយទឹក មួយណាជាជម្រើសរបស់អ្នក? ការផ្លាស់ប្ដូរទៅតាមពេលវេលា មានមនុស្សជាច្រើនចង់ប្រើប្រាស់រថយន្តថ្មីជាជាងរថយន្តមួយទឹក ព្រោះវាជាជម្រើសមួយដល់ការសន្សំសំចៃផ្នែកសេដ្ឋកិច្ច និងមិនមានបញ្ហាឈឺក្បាលរឿងផ្ទេរកម្មសិទ្ធនោះឡើយ។
ប្រសិនបើអ្នកចូលចិត្តរថយន្តមួយទឹកអ្នកនឹងត្រូវធ្វើប្រតិបត្តិការផ្ទេរកម្មសិទ្ធិ។ ក្រសួងសាធារណការ និងដឹកជញ្ជូនបានក្រើនរំលឹកដល់ប្រជាពលរដ្ឋដែលកំពុងកាន់កាប់យានយន្តដែលបានទិញលក់តៗគ្នារកម្ចាស់ដើមមិនឃើញ ត្រូវដាក់ពាក្យស្នើសុំកម្មសិទ្ធិយានយន្តអោយបានមុនថ្ងៃទី៣០ ខែមិថុនា ឆ្នាំ២០២០ ខាងមុខនេះ។
ប៉ុន្តែបើអ្នកជ្រើសរើសរថយន្តថ្មីអ្នកនឹងទទួលបានអត្ថប្រយោជន៍ច្រើន។ មួយក្នុងចំណោមអត្ថប្រយោជន៍នោះគឺនិយាយអំពីភាពជាម្ចាស់រថយន្តដំបូងគេ។ ក្នុងនាមជាម្ចាស់ដើមនៃយានយន្តអ្នកមិនចាំបាច់ព្រួយបារម្ភអំពីបញ្ហានាពេលអនាគតដែលបង្កឡើងដោយអ្នកដទៃទៀតទេលើកលែងតែវាជារថយន្តទិញបន្តពីគេ។
យើងក្រឡេកមកមើលរថយន្តស៊េរីថ្មី២០២០ទាំងនោះដែលទទួលបានពីក្រុមហ៊ុនចែកចាយរថយន្តថ្មីផ្លូវការ។ បច្ចុប្បន្នអ្នកអាចរកបានសម្រាប់ Mazda CX5 តម្លៃជាមធ្យម 55,000$, Chevrolet Trax តម្លៃ 39,500$ ឬរថយន្ត MG RX5 ដែលអ្នកអាចរកជាវបានក្នុងតម្លៃ 39,990$ បូករួមនឹងតម្លៃនេះនឹងគ្របដណ្តប់លើភាពជាម្ចាស់ដើមនៃរថយន្តនិងអត្ថប្រយោជន៍ផ្សេងៗជាច្រើនទៀត។
ដូច្នេះហេតុអ្វីលោកអ្នកមិនស្វែងរកជម្រើសពីក្រុមហ៊ុនចែកចាយជាផ្លូវការដែលអាចរកបាននៅលើទីផ្សារក្នុងប្រទេសកម្ពុជាដូចជាក្រុមហ៊ុនToyota, Ssang Yong, Mazda, MG, Nissan និង Chevrolet។
វាច្បាស់ណាស់សម្រាប់រថយន្តថ្មីគឺមិនមានការឈឺក្បាលដូចរថយន្តចាស់ ហើយមិនសូវមានបញ្ហាជាមួយការថែទាំ ហើយជាពិសេសគឺអ្នកមិនចាំបាច់ត្រូវឆ្លងកាត់ភាពស្មុគស្មាញនៃការបែងចែកឯកសារផ្សេងទៀតដែលខ្ជះខ្ជាយពេលវេលាដ៏មានតម្លៃរបស់អ្នកនោះឡើយ៕