- 2020-06-16 08:01:01
- ព័ត៌មាន
មើលរូបរាងច្បាស់ៗនៃភីកអាប់ F-150 ជំនាន់ថ្មី មុនការប្រកាសចេញ ៩ថ្ងៃ
- 2020-06-16 08:01:01
- ចំនួនមតិ 0 | ចំនួនចែករំលែក 0
មើលរូបរាងច្បាស់ៗនៃភីកអាប់ F-150 ជំនាន់ថ្មី មុនការប្រកាសចេញ ៩ថ្ងៃ
ចន្លោះមិនឃើញ
សល់តែ ៩ ថ្ងៃទៀត រថយន្ត Ford F-150 ជំនាន់ថ្មីនឹងត្រូវបង្ហាញខ្លួនជាផ្លូវការ ពោលគឺនៅថ្ងៃទី ២៥ ខែមិថុនានេះតែម្ដង។ ពេលនេះដែរ មានការលេចចេញវីដេអូដែលគេលួចថត F-150 ជំនាន់ថ្មីពេលដែលរថយន្តកំពុងបើកបរសាកល្បងលើដងផ្លូវ បង្ហាញឲ្យឃើញជាមុននូវរូបរាងរថយន្តជំនាន់ថ្មីនេះ។
វីដេអូថ្មីគឺចេញផ្សាយដោយ The Fast Land Truck ថតបាននៅពេលដែលរថយន្តបើកសាកល្បងលើដងផ្លូវក្នុងរដ្ឋ Colorado។ រថយន្តដែលបើកបរសាកល្បងនេះមានការបិទបាំងរូបរាងមិនច្រើនប៉ុន្មានឡើយ ជាពិសេសមានបង្ហាញឲ្យឃើញច្បាស់អំពីរចនាបថរន្ធខ្យល់ផ្នែកខាងមុខ និងអំពូលដែលមានការផ្លាស់ប្ដូរការឌីហ្សាញថ្មី។
អ្វីដែលគេដឹងត្រឹមពេលនេះ គឺ Ford នឹងប្រកាសចេញរថយន្តភីកអាប់ថ្មីនេះជាមួយជម្រើសម៉ាស៊ីនបួន មាន ៣,៣លីត្រ V8 កម្លាំង ២៩០សេះ មានប្រភេទ EcoBoost ២,៧លីត្រ V6 កម្លាំង ៣២៥សេះ មាន EcoBoost ៣,៥លីត្រ V6 កម្លាំង ៣៧៥សេះ និងមួយទៀតចំណុះ ៥,០លីត្រ V8៕