- 2020-06-05 06:33:06
- ព័ត៌មាន
ស្មាតហ្វូនឆ្នាំ ២០២០ របស់ HTC នៅបន្តប្រើឈីបស៊េរីចាស់
- 2020-06-05 06:33:06
- ចំនួនមតិ 0 | ចំនួនចែករំលែក 0
ស្មាតហ្វូនឆ្នាំ ២០២០ របស់ HTC នៅបន្តប្រើឈីបស៊េរីចាស់
ចន្លោះមិនឃើញ
លក្ខណៈសម្បត្តិរបស់ HTC Desire 20 Pro ដែលគេរំពឹងថាជាស្មាតហ្វូនខ្លាំងមួយរបស់ប្រចាំឆ្នាំ ២០២០ បានលេចចេញនៅលើវិបសាយ Google Play Console។
ផ្អែកតាមវិបសាយបានឲ្យដឹងថា Desire 20 Pro នឹងមានដំណើរការដោយបន្ទះឈីប Snapdragon 665 ជាបន្ទះឈីបដែលបានចេញលើទីផ្សារតាំងពីដើមឆ្នាំ ២០១៩ មកម្ល៉េះ។ បន្ទះឈីបនេះមានគួបផ្សំដោយ RAM ទំហំ ៦GB ហើយស្មាតហ្វូននេះនឹងមានដំឡើងនូវប្រព័ន្ធប្រតិបត្តិការ Android 10 មកស្រាប់ ធ្វើឲ្យវាក្លាយជាស្មាតហ្វូន HTC ដំបូងដែលប្រើប្រព័ន្ធប្រតិបត្តិការនេះ។
អេក្រង់របស់ Desire 20 Pro មានកម្រិតបង្ហាញ ២៣៤០x១០៨០ភីកសែល ហើយបើតាមដំណឹងកន្លងមក អេក្រង់របស់វាមានការឌីហ្សាញដោយចោះរន្ធតូចសម្រាប់បំពាក់កាមេរ៉ា Selfie។ នៅផ្នែកខាងក្រោយមានការបំពាក់កាមេរ៉ា ៤គ្រាប់ និងទ្រនាប់ស្កេនម្រាមដៃ។
មកទល់ពេលនេះគេនៅមិនទាន់ដឹងថា HTC នឹងបង្ហាញចេញ Desire 20 Pro នៅពេលណាឡើយនោះទេ ហើយគេក៏មិនទាន់ដឹងថាស្មាតហ្វូននេះនឹងមានប្រភេទធម្មតាឬយ៉ាងណាដែរ៕
