- 2020-06-03 06:59:53
- ព័ត៌មាន
App ដែលមានអ្នកដំឡើងដល់ ៥លានដងក្នុងពេលដ៏ខ្លី ត្រូវ Google ដកចេញបាត់
- 2020-06-03 06:59:53
- ចំនួនមតិ 0 | ចំនួនចែករំលែក 0
App ដែលមានអ្នកដំឡើងដល់ ៥លានដងក្នុងពេលដ៏ខ្លី ត្រូវ Google ដកចេញបាត់
ចន្លោះមិនឃើញ
កម្មវិធីថ្មីដែលមានឈ្មោះថា Remove China Apps បានពេញនិយមខ្លាំងនៅប្រទេសឥណ្ឌាកាលពីសប្ដាហ៍មុន ហើយបានក្លាយជាកម្មវិធីឥតគិតលុយលំដាប់លេខមួយនៅឥណ្ឌា។ ពេលនេះ Google បានបញ្ចេញសកម្មភាពដោយដកកម្មវិធីនេះចេញពី Play Store។
កម្មវិធីខាងលើមានអ្នកទាញយកដល់ជាង ៥លានដងឯណោះ ក្នុងរយៈពេលប្រមាណ ២សប្ដាហ៍ប៉ុណ្ណោះ។ បើតាមការចុះផ្សាយរបស់ TechCrunch បានឲ្យដឹងថាកម្មវិធីនេះត្រូវបានដកចេញព្រោះតែបានល្មើសនឹងច្បាប់ឈ្មោះ Deceptive Behavior របស់ Play Store។
Google និយាយថាខ្លួនមិនអនុញ្ញាតឲ្យមានកម្មវិធីដែលណែនាំឲ្យអ្នកប្រើប្រាស់ Uninstall ឬលុបកម្មវិធីរបស់គូភាគីម្ខាងទៀតនោះទេ លុះត្រាតែវាជាកម្មវិធីសុវត្ថិភាព។
Remove China Apps មានដំណើរការដោយស្កេននូវកម្មវិធីដែលមានដំឡើងលើទូរសព្ទ ហើយនឹងឲ្យដំណឹងចំពោះកម្មវិធីណាដែលអភិវឌ្ឍន៍ដោយ Developer ចិន មានប្រភពពីប្រទេសចិន។ កម្មវិធីនេះក៏មានផ្ដល់នូវជម្រើសឲ្យលុបកម្មវិធីចិនណាមួយភ្លាមៗផងដែរ។
គួរដឹងថាកម្មវិធីខាងលើនេះមានចំនួនអ្នកទាញយកច្រើននៅឥណ្ឌាក៏ដោយសារតែប្រទេសឥណ្ឌា និងប្រទេសចិន កំពុងតឹងសរសៃកដាក់គ្នាជុំវិញជម្លោះព្រំដែននៅតំបន់ជួរភ្នំហិមាល័យ៕