- 2020-05-26 05:30:40
- ព័ត៌មាន
ពីក្នុងឡានភីកអាប់ RAM ម៉ូដែលថ្មីមានបង្កប់រូបភាពចំអកដល់ F-150 Raptor ទៀត
- 2020-05-26 05:30:40
- ចំនួនមតិ 0 | ចំនួនចែករំលែក 0
ពីក្នុងឡានភីកអាប់ RAM ម៉ូដែលថ្មីមានបង្កប់រូបភាពចំអកដល់ F-150 Raptor ទៀត
ចន្លោះមិនឃើញ
គេបានដឹងថាម៉ាកយីហោរថយន្តភីកអាប់ RAM កំពុងត្រៀមខ្លួនបង្ហាញចេញរថយន្តម៉ូដែល Rebel TRX ដែលនឹងជាគូប្រជែងដ៏ខ្លាំងក្លាមួយរបស់ Ford F-150 Raptor។
មុនការបង្ហាញមុខជាផ្លូវការ ក្រុមការងារនៃវិបសាយរថយន្ត Fast Lane Truck ទទួលបានរូបភាពមួយនៃ RAM Rebel TRX ដែលបង្ហាញអំពីចំណុចខ្លះៗលើរថយន្តភីកអាប់នេះ ហើយក្នុងនោះគេឃើញមានរូបភាពមួយដូចជាចំអកឲ្យ F-150 Raptor យ៉ាងអ៊ីចឹង។
ក្នុងរូបភាពនោះគឺមានបង្ហាញអំពីការប្រៀបធៀបទំហំនៃមនុស្ស, រូបភាពរថយន្តភីកអាប់ TRX និងសត្វដាយណូស័រ T-Rex បន្លាចសត្វដាយណូស័រ Velociraptor ដែលអាចមានអត្ថន័យថា Rebel TRX នឹងអាចយកឈ្នះ F-150 Raptor បាន។
ជាមួយការបំពាក់ម៉ាស៊ីន Hellcat V8 ដែលមានកម្លាំងយ៉ាងតិច ៧០៧សេះ អាចឲ្យ Rebel TRX យកឈ្នះ F-150 Raptor បានយ៉ាងងាយ ដែល F-150 Raptor ប្រើម៉ាស៊ីន Twin-Turbo V6 កម្លាំង ៤៥០សេះ។
ក្រៅពីរូបខាងលើ គេក៏ទទួលបានរូបភាពបង្ហាញអំពីប្រអប់លេខរថយន្ត និងប៊ូតុងបញ្ជាជាច្រើន និង រូបភាពបង្ហាញអំពីម៉ាស៊ីនរថយន្តភ្ជាប់ជាមួយ Supercharger ដែលមានរន្ធបញ្ចេញខ្យល់ធំ។ ក្រោយពីការប្រកាសចេញដែលរំពឹងថាកើតមាននាខែមិថុនា រថយន្ត Rebel TRX អាចនឹងចាប់ផ្ដើមការផលិតនាខែតុលានេះ៕