- 2020-05-26 02:35:10
- ព័ត៌មាន
ចេញរូបរាងច្បាស់ៗនៃឡាន SUV អគ្គិសនីខ្នាតធំរបស់ចិន
- 2020-05-26 02:35:10
- ចំនួនមតិ 0 | ចំនួនចែករំលែក 0
ចេញរូបរាងច្បាស់ៗនៃឡាន SUV អគ្គិសនីខ្នាតធំរបស់ចិន
ចន្លោះមិនឃើញ
ក្រុមហ៊ុនរថយន្តចិន Hongqi បានបង្ហាញចេញឈ្មោះពិតសម្រាប់រថយន្តអគ្គិសនី SUV ខ្នាតធំរបស់ខ្លួន ដែលមានឈ្មោះថា Hongqi E-HS9។ កន្លងមកគេស្គាល់វាតាមរយៈឈ្មោះសម្គាល់ថា E115។
បន្ថែមពីលើឈ្មោះពិតនេះ គេក៏ទទួលបាននូវរូបភាពថ្មីៗនៃរថយន្ត E-HS9 បើកបរនៅរោងចក្រក្នុងទីក្រុង Changchun ដោយមិនមានបិទបាំងរូបរាងនោះឡើយ។ រថយន្ត E-HS9 នេះនឹងចេញលក់នៅប្រទេសចិននាចុងឆ្នាំនេះ ជាមួយតម្លៃចន្លោះពីប្រមាណ ៦៧ ៣០០ ដុល្លារ ទៅ ៧៧ ១០០ ដុល្លារ។
រថយន្តនេះប្រើប្រាស់ម៉ូទ័រអគ្គិសនីភ្លោះ និងប្រព័ន្ធបើកបរវិលកង់ទាំងបួន ដែលអាចជិះបានចម្ងាយ ៦០០ គីឡូម៉ែត្រពេលសាកភ្លើងពេញ និងអាចស្ទុះពី ០-១០០ គ.ម/ម៉ ក្នុងពេលត្រឹម ៤វិនាទី។ ម៉ូទ័រមុខអាចបង្កើតកម្លាំងបាន ២១៥សេះ និងម៉ូទ័រក្រោយកម្លាំង ២៩៥សេះ ផ្គួបចូលគ្នាអាចផ្ដល់កម្លាំងបាន ៥១០សេះ។
Hongqi E-HS9 នឹងចាប់ផ្ដើមផលិតពីឆ្នាំ ២០២០ ដល់ឆ្នាំ ២០២៦ ជាមួយផែនការផលិតឲ្យបាន ៥១ ៥០០ គ្រឿង៕