- 2020-05-22 05:59:01
- ព័ត៌មាន
Range Rover Evoque នឹងមានប្រភេទតួវែង បំពាក់កៅអី ៣ជួរដែរ
- 2020-05-22 05:59:01
- ចំនួនមតិ 0 | ចំនួនចែករំលែក 0
Range Rover Evoque នឹងមានប្រភេទតួវែង បំពាក់កៅអី ៣ជួរដែរ
ចន្លោះមិនឃើញ
ក្រុមហ៊ុន Land Rover កំពុងតែរវល់ធ្វើតេស្តរថយន្ត Range Rover ជំនាន់ថ្មី ប៉ុន្តែក៏មិនភ្លេចពី SUV ខ្នាតតូចដែលលក់ដាច់បំផុតរបស់ខ្លួនដែរ គឺ Range Rover Evoque។
យោងតាមរបាយការណ៍កាលពីខែមករា បង្ហាញឲ្យឃើញថា ក្រុមហ៊ុនរថយន្តអង់គ្លេសខាងលើ នឹងធ្វើការអាប់ដេតដ៏ធំមួយលើម៉ាស៊ីន Evoque។ ក្នុងនោះដែរ រូបថតដែលគេទើបប្រមាញ់បានថ្មីៗបង្ហាញថា រថយន្ត Evoque នឹងមានប្រភេទតួវែង បំពាក់កៅអី ៣ជួរ ឬ ៧កៅអី។
ទោះជាយ៉ាងណាគេមិនទាន់ដឹងច្បាស់ឡើយថា Range Rover Evoque ប្រភេទ ៧កៅអីនេះ នឹងមានលក់នៅសហរដ្ឋអាមេរិក និងអឺរ៉ុបឬអត់ ប៉ុន្តែច្បាស់ណាស់ថាទីផ្សារចិន និងអាស៊ីដទៃទៀត ក៏ដូចជារុស្ស៊ីដែរនោះ ប្រាកដជាមានលក់ ដោយសារតែទំនោរពេញនិយមលើរថយន្តកៅអី ៣ជួរ។
គួរឲ្យដឹងដែរថា ក្រុមហ៊ុន Land Rover ទើបតែបានបញ្ចេញរថយន្ត Range Rover Evoque P300e ដែលបំពាក់ម៉ាស៊ីន Plug-in Hybrid ចំណុះ ១,៥លីត្រ turbocharged ទំហំ ៣ស៊ីឡាំង មានកម្លាំង ១៩៧សេះ គាំទ្រដោយម៉ូទ័រអគ្គិសនីកម្លាំង ១០៧សេះ និងអាគុយកម្លាំង ១៥គីឡូវ៉ាត់ម៉ោងមួយទៀត ដែលមានកម្រិតស៊ីសាំងត្រឹម ១,៤លីត្រក្នុង ១០០គ.ម៉ ហើយអាចបើកបរដោយប្រើថាមពលអគ្គិសនីសុទ្ធចម្ងាយ ៦៦គីឡូម៉ែត្រ និងអាចសាកភ្លើងពី ០ ទៅ ៨០ភាគរយ ប្រើពេលត្រឹម ៣០នាទីប៉ុណ្ណោះ៕