- 2020-05-20 02:47:36
- ព័ត៌មាន
តម្លៃឡានប្រណីតរបស់កូរ៉េ ល្មមឲ្យម៉ាកឡានប្រណីតរបស់អឺរ៉ុបភ័យខ្លួន
- 2020-05-20 02:47:36
- ចំនួនមតិ 0 | ចំនួនចែករំលែក 0
តម្លៃឡានប្រណីតរបស់កូរ៉េ ល្មមឲ្យម៉ាកឡានប្រណីតរបស់អឺរ៉ុបភ័យខ្លួន
ចន្លោះមិនឃើញ
រថយន្ត Genesis G80 ស៊េរីឆ្នាំ ២០២១ គឺជារថយន្ត Sedan ប្រណីតស៊េរីថ្មីមានរូបរាងទាក់ទាញ ដែលឲ្យវាអាចប្រកួតប្រជែងនឹងម៉ាករថយន្តប្រណីតដទៃទៀតបាន។ ពេលនេះតម្លៃលក់នៅសហរដ្ឋអាមេរិករបស់ G80 ត្រូវបានក្រុមហ៊ុនបញ្ចេញឲ្យដឹង ដែលឃើញថាតម្លៃគឺធូរថ្លៃជាងរថយន្តដែលជាគូប្រជែង។
រថយន្ត Genesis G80 ស៊េរីឆ្នាំ ២០២១ នៅសហរដ្ឋអាមេរិកគឺមានតម្លៃចាប់ពី ៤៨ ៧២៥ ដុល្លារ (គិតបញ្ចូលថ្លៃដឹកជញ្ជូន)។ ជាមួយតម្លៃនេះគឺទទួលបានម៉ាស៊ីន ២,៥ លីត្រ Turbocharged ៤ស៊ីឡាំង ដែលមានកម្លាំង ៣០០ សេះ។ ខាងក្រោមនេះវិញគឺជាតម្លៃរបស់រថយន្តដែលជាគូប្រជែង ដែលប្រើម៉ាស៊ីន ៤ស៊ីឡាំង Turbocharged ដូចគ្នា៖
Audi A6 45 TFSI ស៊េរីឆ្នាំ ២០២០ មានតម្លៃ ៥៥ ៨៩៥ ដុល្លារ
Mercedes-Benz E 350 ស៊េរីឆ្នាំ ២០២០ មានតម្លៃ ៥៥ ០៣៥ ដុល្លារ
BMW 530i ស៊េរីឆ្នាំ ២០២០ មានតម្លៃ ៥៤ ៨៩៥ ដុល្លារ
សម្រាប់ Genesis G80 ដែលប្រើប្រភេទម៉ាស៊ីន Twin-Turbo ចំណុះ ៣,៥លីត្រ ៦ស៊ីឡាំង ដែលមានកម្លាំង ៣៧៥សេះ មានតម្លៃចាប់ពី ៦០ ១២៥ ដុល្លារ។ ហើយខាងក្រោមនេះជាតម្លៃរបស់គូប្រជែង ៖
- Audi A6 55 TFSI ឆ្នាំ ២០២០ តម្លៃ ៦០ ៧៩៥ ដុល្លារ
Mercedes-Benz E450 ឆ្នាំ ២០២០ តម្លៃ ៦២ ៥៤៥ ដុល្លារ
BMW 540i ឆ្នាំ ២០២០ តម្លៃ ៦០ ៤៤៥ ដុល្លារ
ចំពោះប្រភេទម៉ាស៊ីន ៤ស៊ីឡាំង Option ស្តង់ដារគឺមានបំពាក់នូវគ្រឿងបរិក្ខារជាច្រើន។ មានដូចជាយ៉ាន់ Alloy ទំហំ ១៨អ៊ីញ, ប្រើអំពូល LED សុទ្ធ, កៅអីស្បែកមានកម្ដៅ, មានអេក្រង់កម្សាន្តទំហំ ១៤,៥អ៊ីញ និងមានមុខងារជំនួយដល់ការបើកបរជាច្រើនផងដែរ។
រថយន្ត Genesis G80 ស៊េរីថ្មីនឹងចេញលក់លើទីផ្សារសហរដ្ឋអាមេរិកចាប់ពីអំឡុងចុងឆ្នាំ ២០២០ នេះ៕