- 2020-05-18 07:16:38
- ព័ត៌មាន
ហាងផ្លូវការរបស់ម៉ូតូ Royal Enfield នឹងចាប់ផ្តើមដំណើរការនៅកម្ពុជាឆាប់ៗនេះ
- 2020-05-18 07:16:38
- ចំនួនមតិ 0 | ចំនួនចែករំលែក 0
ហាងផ្លូវការរបស់ម៉ូតូ Royal Enfield នឹងចាប់ផ្តើមដំណើរការនៅកម្ពុជាឆាប់ៗនេះ
ចន្លោះមិនឃើញ
Royal Enfield ដែលជាយីហោរបស់ប្រទេសអង់គ្លេស បានជ្រើសយកទីក្រុងភ្នំពេញដែលតំណាងឱ្យសហគមន៍ម៉ូតូធំជាងគេនៅប្រទេសកម្ពុជា សម្រាប់ជាកន្លែងលក់ទីមួយរបស់ខ្លួននៅកម្ពុជា។
យីហោដែលមានប្រជាប្រិយភាពមួយនេះត្រូវបានទទួលស្គាល់យ៉ាងទូលំទូលាយថាជា យីហោម៉ូតូដែលមានវ័យចំណាស់ជាងគេនៅក្នុងផលិតកម្មដែលនៅតែមានសកម្មភាព ចាប់តាំងពីការចាប់ផ្ដើមកំណើតនៅឆ្នាំ ១៩០១ មក បានផលិតម៉ូតូបែបក្លាសិក ដូចជា Bullet ដែលមានកេរ្តិ៍ឈ្មោះល្បីល្បាញ ជាម៉ូដែលម៉ូតូដែលមានវ័យចំណាស់ជាងគេនៅក្នុងពិភពលោក នៅក្នុងផលិតកម្មដែលនៅតែមានសកម្មភាពចាប់ពីឆ្នាំ ១៩៣២ មក។
Bullet នេះ បានចាប់ផ្តើមដំបូងជាម៉ូតូដែលមានការរចនាពិសេសប្លែករបស់ប្រទេសអង់គ្លេសដោយមានស៊ីឡាំងដែលមានវ៉ាល់ខាងលើ។ វាមានមោទនភាពដោយមានសកម្មភាពផលិតម៉ូតូបានយូរជាងគេបំផុត ហើយនៅតែបន្តមានសកម្មភាពផលិតចាប់តាំងពីឆ្នាំ ១៩៣២ មក។ ដោយមានអតិថិជនស្មោះស្ម័គ្រជាច្រើននៅទូទាំងពិភពលោក Bullet ត្រូវបានទទួលស្គាល់ថាជាម៉ូតូដែលធន់រឹងមាំ និងអាចជឿទុកចិត្តបាន និងនៅតែមានប្រជាប្រិយភាពដល់ជំនាន់ក្រោយៗទៀត។
ម៉ូតូដែលមានការរចនាសម្បូរបែប និងបែបនិមិត្តរូប វានៅតែរក្សារូបរាងបែបប្រពៃណីអស់រយៈពេលច្រើនជាង ៨ ទសវត្សរ៍មកហើយ ប៉ុន្តែបច្ចុប្បន្ន វាត្រូវបានរួមបញ្ចូលជាមួយនឹងបច្ចេកវិទ្យាដោយប្រើ វិស្វកម្មទំនើបបំផុត។ Bullet បែបនិមិត្តរូបនេះ រក្សានូវការបាញ់ពណ៌បែបក្លាសិកដដែល និងគូរដោយដៃដោយប្រើទឹកថ្នាំសម្រាប់គូររចនាលើម៉ូតូ ដែលតំណាងឱ្យតម្លៃរបស់យានយន្ត។
ក្រុមការងារបានពិនិត្យមើល ហាង Royal Enfield នៅកម្ពុជាដែលនឹងត្រូវសម្ពោធនៅពេលឆាប់ៗនេះ។ មើលទៅហាងនេះបានត្រៀមខ្លួនជាស្រេចដើម្បីបង្កើត ប្រព័ន្ធអេកូនៃការបើកបរម៉ូតូសម្រាប់អតិថិជនរបស់ខ្លួន ដែលវាមានមិនត្រឹមតែម៉ូតូប៉ុណ្ណោះទេ តែវាក៏មានសំលៀកបំពាក់ និងគ្រឿងបន្ទាប់បន្សំផ្សេងៗផងដែរ។
ហាងដែលគ្រោងនឹងបើកនេះមានកន្លែងបម្រើភេសជ្ជៈមួយដែលគួរឱ្យចាប់អារម្មណ៍មួយ ដែលមានការរៀបចំឡើងពុំសម្រាប់ធ្វើពាណិជ្ជកម្មនោះទេ វាមើលទៅមានផាសុកភាពសម្រាប់លោកអ្នក នៅពេលអ្នករកមើល ម៉ូតូ ឬសំលៀកបំពាក់។
ម៉ូតូរបស់ Royal Enfield បានផ្តល់នូវសេរីភាព និងសេចក្តីក្លាហានដែលត្រូវបានបំពេញបង្គ្រប់ដោយម៉ូតូដែលស្អាត ដែលជាតម្រូវការរបស់មនុស្សជាច្រើននៅលើពិភពលោក។ និយាយពីរូបរាង ម៉ូតូ Royal Enfield មើលទៅស្រស់ស្អាត រឹងមាំ ផ្គុំបានយ៉ាងល្អ និងផលិតចេញយ៉ាងយកចិត្តទុកដាក់។ ដោយមានមេកានិចបែបសាមញ្ញ ម៉ូតូយីហោនេះទទួលបានប្រជាប្រិយភាពខ្លាំង។ ភាពសាមញ្ញរបស់វា គឺជាផ្នែកមួយនៃប្រជាប្រិយភាពរបស់ Royal Enfield ។
ដោយមានប្រវត្តិរឹងមាំ និងខ្សែផលិតផលដែលនឹងទទួលជោគជ័យ ម៉ូតូនេះមានលក្ខណៈសម្បត្តិដែលអាចទាក់ទាញអ្នកស្រលាញ់ម៉ូតូបែបបុរាណ នៅក្នុងប្រទេស ដែលជាអ្នកចូលចិត្តភាពលេចធ្លោ និងមិនធ្វើតាមភាពដដែលៗ៕