- 2020-05-12 06:47:27
- ព័ត៌មាន
Vivo សេរ៊ីថ្មីគ្រោងចេញផ្សាយសប្ដាហ៍ក្រោយ មានបំពាក់អេក្រង់ដល់ល្បឿន 144Hz
- 2020-05-12 06:47:27
- ចំនួនមតិ 0 | ចំនួនចែករំលែក 0
Vivo សេរ៊ីថ្មីគ្រោងចេញផ្សាយសប្ដាហ៍ក្រោយ មានបំពាក់អេក្រង់ដល់ល្បឿន 144Hz
ចន្លោះមិនឃើញ
ក្រុមហ៊ុន Vivo ត្រូវបានគេដឹងថាគ្រោងនឹងចេញផ្សាយ ស្មាតហ្វូនស៊េរីថ្មីមួយម៉ូឌែលទៀតនាថ្ងៃទី ១៩ ឧសភាសប្តាហ៍ក្រោយនេះ ដោយនឹងប្រើប្រាស់ឈ្មោះ iQOO Z1 ជាស្មាតហ្វូនដំបូងមានបំពាក់ឈីប Dimension 1000+ ជំនាន់ចុងក្រោយរបស់ក្រុមហ៊ុន MediaTek។
តាមរូបភាពបានបែកធ្លាយ iQOO Zi នឹងប្រើប្រាស់កាមេរ៉ាមុខចោះរាងរង្វង់នៅផ្នែកខាងស្តាំ អមដោយល្បឿនអេក្រង់ (Refresh rate) លឿនដល់ទៅ 144Hz ឯណោះ។
លក្ខណៈសម្បត្តិផ្សេងទៀតមិនទាន់ត្រូវបានទម្លាយនៅឡើយ ប៉ុន្តែផ្នែកអេក្រង់គេដឹងថាជាអេក្រង់ LCD ស្របពេលដែលទ្រនាប់ស្កេនខ្ចៅដៃបានបំពាក់នៅផ្នែកចំហៀងខាងឆ្វេង ក្បែរប៊ូតុងសំឡេង។ ម៉ូឌែលនេះក៏មកជាមួយការគាំទ្រដល់ប្រព័ន្ធ 5G ថែមទៀតផង។
តាមបណ្តាហាងមួយចំនួនក្នុងប្រទេសចិន បានបើកការកុម្ម៉ង់ទិញជាបណ្តើរៗហើយ រីឯតម្លៃនិងកម្លាំងម៉ាស៊ីនផ្លូវការ នឹងមានការបញ្ជាក់ជាថ្មីនៅថ្ងៃអង្គារសប្ដាហ៍ក្រោយ៕
អានអត្ថបទ: