• 2020-05-06 04:14:35
  • ផលិតផលថ្មី

កាស Huawei ថ្មីមានមុខងារទប់សំឡេងរំខាន តម្លៃត្រឹម ១១០ដុល្លារ

  • 2020-05-06 04:14:35
  • ចំនួនមតិ 0 | ចំនួនចែករំលែក 0

ចន្លោះមិនឃើញ

Huawei បាន​បង្ហាញ​ចេញ​កាស FreeBuds 3i សម្រាប់​ទីផ្សារ​អឺរ៉ុប​នា​ថ្ងៃ​នេះ ដែល​មាន​បំពាក់​មក​ជា​មួយ​នូវ​មុខងារ​ទប់​សំឡេង​រំខាន Active Noise Cancellation ជា​មួយ​តម្លៃ​ប្រមាណ ១១០ដុល្លារ​ប៉ុណ្ណោះ ដែល​ធៀប​នឹង AirPods Pro គឺ​ធូរ​ជាង។

កាស FreeBuds 3i នេះ​អាច​​ទ្រាំទ្រ​ការ​ស្ដាប់​ចម្រៀង​បាន ៣ ម៉ោង​កន្លះ និង​សម្រាប់​ការ​និយាយ​ទូរសព្ទ​គឺ​បាន ២ ម៉ោង​កន្លះ។ ប៉ុន្តែ​ប្រអប់​របស់​វា​​អាច​បន្ថែម​រយៈពេល​នៃ​ការ​ស្ដាប់​ចម្រៀង​បាន ១៤ ម៉ោង​កន្លះ ឬ​ការ​និយាយ​ទូរសព្ទ​បាន ១០ ម៉ោង​កន្លះ បន្ថែម​ទៀត។ ការ​សាក​កាស​ក្នុង​ប្រអប់​គឺ​ចំណាយ​ពេល​ប្រមាណ ១ម៉ោង ហើយ​ការ​សាក​ប្រអប់​វិញ​ចំណាយ​ពេល ១១៥ នាទី។

ការ​បញ្ជា​កាស​នេះ​គឺ​ធ្វើ​ឡើង​តាម​ការ​​ចុច​ ដូច​ជា​​ចុច​ឲ្យ​ជាប់​ដើម្បី​បើក ឬ​បិទ​មុខងារ ANC, ចុច​ពីរ​ដង​ដើម្បី​ចាក់​ ឬ​ផ្អាក​ចម្រៀង និង​ទទួល​ទូរសព្ទ ឬ​​បញ្ចប់​ការ​និយាយ​ទូរសព្ទ។ ​កាស​នេះ​ដែរ​គឺ​មាន​សមត្ថភាព​ធន់​នឹង​ទឹក​កម្រិត IPX4។

FreeBuds 3i នឹង​លក់​នៅ​ចក្រភព​អង់គ្លេស​ជា​មួយ​ពណ៌ Ceramic White នៅ​លើ Huawei Store នា​ថ្ងៃ​ទី ២០ ខែ​ឧសភា ហើយ​នៅ​​ថ្ងៃ​ទី ១៧ ខែ​មិថុនា នឹង​មាន​លក់​នៅ​ហាង​លក់​រាយ​មួយ​ចំនួន​ដោយ​មាន​បន្ថែម​ជម្រើស​ពណ៌ Carbon Black៕

ប្រភព៖ GSMarena ប្រែ​សម្រួល៖ សុខហេង

មតិយោបល់