- 2020-05-01 01:45:08
- ព័ត៌មាន
Tim Cook ថា iPhone SE ដើរលឿនជាងស្មាតហ្វូន Android ដែលលឿនដាច់គេ
- 2020-05-01 01:45:08
- ចំនួនមតិ 0 | ចំនួនចែករំលែក 0
Tim Cook ថា iPhone SE ដើរលឿនជាងស្មាតហ្វូន Android ដែលលឿនដាច់គេ
ចន្លោះមិនឃើញ
Apple បានបញ្ចេញ iPhone SE ថ្មីជាផ្លូវការកាលពីពាក់កណ្ដាលខែមេសា ហើយលោក Tim Cook និយាយថា iPhone SE នេះគឺទទួលការបានឆ្លើយតបវិជ្ជមានពីអ្នកវាយតម្លៃផលិតផល និងអតិថិជនផងដែរ។ នាយកប្រតិបត្តិ Apple ថែមទាំងបានអួតថា iPhone SE គឺមានតម្លៃល្អបំផុត និងមានល្បឿនលឿនជាងស្មាតហ្វូន Android ដែលលឿនដាច់គេផងដែរ។
មតិរបស់លោក Tim Cook គឺជាការឆ្លើយតបនឹងសំនួរដែលសួរថាតើ iPhone SE អាចលក់ដាច់បានកម្រិតណាទៅតាមតំបន់ភូមិសាស្ត្រជាក់លាក់នីមួយៗ។ លោក Tim Cook បានឆ្លើយតបដូចនេះថា ៖
“វាអាចទាក់ទាញក្នុងតំបន់ភូមិសាស្ត្រទាំងអស់ ប៉ុន្តែខ្ញុំអាចរំពឹងបានថាវានឹងលក់ដាច់បានច្រើននៅតំបន់ដែលមានប្រាក់ចំណូលជាមធ្យមទាប។ ខ្ញុំអាចរំពឹងថាមនុស្សមួយចំនួនអាចប្ដូរពីប្រព័ន្ធប្រតិបត្តិការផ្សេងមក iOS។ វាជាការផ្ដល់ជូនដ៏មិនគួរឲ្យជឿមួយ។ វាមានបំពាក់ដោយម៉ាស៊ីននៃស្មាតហ្វូនកំពូលរបស់យើង ក្នុងកញ្ចប់តម្លៃមួយដែលមនុស្សជាច្រើនមានលទ្ធភាពទិញ ហើយវាលឿនជាងស្មាតហ្វូន Android ដែលមានល្បឿនដាច់គេផងដែរ។ វាមានតម្លៃដែលមិនអាចកាត់ថ្លៃបាន៕”
