- 2020-04-27 01:20:23
- ព័ត៌មាន
ហេតុផលនេះទើប Lexus សម្រេចឈប់ផលិតម៉ូដែល GS
- 2020-04-27 01:20:23
- ចំនួនមតិ 0 | ចំនួនចែករំលែក 0
ហេតុផលនេះទើប Lexus សម្រេចឈប់ផលិតម៉ូដែល GS
ចន្លោះមិនឃើញ
ក្រោយពីចរាចរណ៍លក់លើទីផ្សារបាន ២៧ឆ្នាំរួចមក Lexus បានសម្រេចចិត្តឈប់លក់ម៉ូដែល GS ដែលជាគូប្រជែងដ៏ខ្លាំងក្លាមួយរបស់ Audi A6, BMW 5-Series និង Merdes E-Class ជាដើម។
Lexus បានឲ្យដឹងតាមរយៈវិបសាយ Carscoops ថាការសម្រេចចិត្តឈប់ផលិតម៉ូដែល GS នេះក៏ដោយសារចំនួនលក់មានតិចតួចក្នុងរយៈពេលប៉ុន្មានឆ្នាំចុងក្រោយនេះ។ ជាក់ស្ដែងនៅឆ្នាំ ២០១៩ ក្រុមហ៊ុនអាចលក់រថយន្ត GS នៅសហរដ្ឋអាមេរិកបានត្រឹម ៣ ៣៧៨គ្រឿង ដែលស្មើ ៤% នៃចំនួនលក់សរុប។ Lexus ក៏បានបញ្ជាក់ដែរថាម៉ូដែល GS អាចក្ដោបក្ដាប់ចំនួនលក់បាន ០,៨៨% ប៉ុណ្ណោះ ក្នុងចំណោមចំនួនលក់សរុបនៃផ្នែករថយន្ត Sedan ប្រណីតធន់កណ្ដាល។
ការផលិតម៉ូដែល GS នឹងត្រូវបញ្ចប់នានៅត្រីមាសទី ៣ ឆ្នាំ ២០២០ នេះ ដោយ Lexus នឹងផលិត Black Line Special Edition ជាម៉ូដែលចុងក្រោយនៃម៉ូដែល GS សម្រាប់ទីផ្សារអាមេរិក។ ហើយនៅជប៉ុនវិញក្រុមហ៊ុននឹងបញ្ចេញម៉ូដែល Eternal Touring Edition ជាម៉ូដែលលាគ្នាចុងក្រោយ៕