- 2020-04-23 08:42:39
- ផលិតផលថ្មី
ទូរសព្ទ 5G ចេញមកមួយទៀត តម្លៃក្រោម ៣០០ដុល្លារ អេក្រង់ 120Hz
- 2020-04-23 08:42:39
- ចំនួនមតិ 0 | ចំនួនចែករំលែក 0
ទូរសព្ទ 5G ចេញមកមួយទៀត តម្លៃក្រោម ៣០០ដុល្លារ អេក្រង់ 120Hz
ចន្លោះមិនឃើញ
ត្រកូល 5G តម្លៃធូររបស់ realme នាពេលនេះទទួលបានសមាជិកបន្ថែមម្នាក់ទៀតជាម៉ូដែល X50m 5G ដែលជាសមាជិករបស់ X50 និង X50 Pro។
X50m 5G ដំណើរការដោយបន្ទះឈីប Snapdragon 765G ដែលមានន័យថាវាគាំទ្រនូវសេវា 5G។ ស្មាតហ្វូននេះរត់នៅលើ Android 10 ដែលមានស្បែក realme UI និងមានជម្រើសចំនួនពីរគឺ RAM ទំហំ ៦GB/អង្គផ្ទុក ១២៨GB និង RAM ៨GB/អង្គផ្ទុក ១២៨GB។
អេក្រង់របស់ X50m 5G មានទំហំ ៦,៥៧អ៊ីញ ជាប្រភេទ LCD អាចបង្ហាញរូបភាពកម្រិត FullHD+ និងមាន Refresh Rate 120Hz ហើយមានចោះរន្ធប្រៀបដូចជាគ្រាប់ថ្នាំសម្រាប់បំពាក់កាមេរ៉ា Selfie ទំហំ ១៦MP និងកាមេរ៉ាវាស់ជម្រៅទំហំ ២MP។
កាមេរ៉ាក្រោយមាន ៤ គ្រាប់ ដែលមានលក្ខណៈសម្បត្តិស្រដៀងនឹងកាមេរ៉ានៅលើ realme 6 ដែរ ពោលមានកាមេរ៉ាមេទំហំ ៤៨MP, កាមេរ៉ា Ultra-Wide ទំហំ ៨MP (ទំហំ ១១៩ដឺក្រេ), កាមេរ៉ា Macro ទំហំ ២MP និងកាមេរ៉ាវាស់ជម្រៅ ២MP។
ថាមពលថ្មរបស់ X50m 5G គឺមានទំហំ ៤២០០ mAh ដែលគាំទ្របច្ចេកវិទ្យាសាកថ្ម Dart Fast ល្បឿន ៣០វ៉ាត់ អាចសាកពី ០-៧០% ក្នុងពេលត្រឹម ៣០នាទី។ តម្លៃរបស់ realme X50m 5G មានចាប់ពីប្រមាណ ២៨០ដុល្លារ ដែលនឹងលក់ចាប់ពីថ្ងៃទី ២៩ ខែមេសានៅប្រទេសចិន ប៉ុន្តែមិនទាន់មានដំណឹងអំពីការចេញលក់លើទីផ្សារបរទេសនោះទេ៕