- 2020-04-10 07:10:43
- ព័ត៌មាន
Cambridge កំពុងបង្កើត App តេស្តមើលរោគសញ្ញាភ្លាមៗលើអ្នកជំងឺកូវីដ១៩
- 2020-04-10 07:10:43
- ចំនួនមតិ 0 | ចំនួនចែករំលែក 0
Cambridge កំពុងបង្កើត App តេស្តមើលរោគសញ្ញាភ្លាមៗលើអ្នកជំងឺកូវីដ១៩
ចន្លោះមិនឃើញ
អ្នកវិទ្យាសាស្ត្រនៅឯសកលវិទ្យាល័យ Cambridge របស់ចក្រភពអង់គ្លេសកំពុងសិក្សាស្រាវជ្រាវយ៉ាងសកម្ម ដោយប្រើប្រាស់ប្រព័ន្ធ AI ជាជំនួយក្នុងការបង្កើតកម្មវិធី (Application) ដែលអាចតេស្តមើលរោគសញ្ញាភ្លាមៗនៃអ្នកឆ្លងជំងឺកូវីដ១៩។
បច្ចុប្បន្នក្រុមស្រាវជ្រាវ កំពុងប្រកាសរកអ្នកស្ម័គ្រចិត្តឲ្យធ្វើការបញ្ជូននូវទិន្នន័យជាសំឡេងនៃការដកដង្ហើម ក្អក និងការនិយាយ ដើម្បីធ្វើតេស្តពិសោធន៍ផ្ទាល់ជាមួយការវិភាគសំឡេងទាំងនោះ ក្នុងការកំណត់រោគសញ្ញាបានឆាប់រហ័សលើអ្នកដែលបានឆ្លង។
កម្មវិធីនេះឲ្យឈ្មោះថា Covid-19 Sounds ដែលអ្នកអាចចុចចូលបានតាមលីង www.covid-19-sounds.org ហើយស្វាគមន៍ទទួលអ្នកចូលរួមទាំងអ្នកដែលមានសុខភាពប្រក្រតីនិងមិនប្រក្រតី។ របាយការណ៍ទិន្នន័យសំឡេងដែលទទួលបានទាំងអស់ អ្នកវិទ្យាសាស្ត្រនឹងយកទៅស្រាវជ្រាវ ដើម្បីសម្រេចឲ្យចេញជា App ដំណើរការផ្លូវការមួយក្នុងថ្ងៃខាងមុខ។
រំឭកថាបច្ចុប្បន្នក្រុមខាងលើក៏បានបង្កើត App មួយស្រដៀងគ្នានេះ មានឈ្មោះថា "COVID Symptom Tracker" បើកឲ្យប្រើប្រាស់សម្រាប់ពលរដ្ឋនៅអង់គ្លេសធ្វើការតាមដានស្ថានភាពសុខភាពរបស់ពួកគេប្រចាំថ្ងៃ ដោយឲ្យអ្នកប្រើប្រាស់បំពេញបែបបទព័ត៌មានមួយចំនួន និងការបញ្ជូនសំឡេងធ្វើតេស្ត ទាំងប្រភេទសំឡេងក្អក និងដកដង្ហើម ដើម្បីឲ្យអ្នកជំនាញធ្វើការត្រួតពិនិត្យ៕
អានអត្ថបទ: