- 2020-04-10 06:50:19
- ព័ត៌មាន
ប្រលូកក្នុងទីផ្សារបានជាង ១ ឆ្នាំ ស្មាតហ្វូនវៀតណាមឡើងឈរលេខ ៣ ក្នុងស្រុក
- 2020-04-10 06:50:19
- ចំនួនមតិ 0 | ចំនួនចែករំលែក 0
ប្រលូកក្នុងទីផ្សារបានជាង ១ ឆ្នាំ ស្មាតហ្វូនវៀតណាមឡើងឈរលេខ ៣ ក្នុងស្រុក
ចន្លោះមិនឃើញ
ក្រោយលេចវត្តមានក្នុងទីផ្សារស្មាតហ្វូនប្រទេសវៀតណាមបានរយៈពេល ១៥ ខែ ផលិតផលក្នុងស្រុកក្រុមហ៊ុន Vsmart បានរំកិលឡើងមកលេខ ៣ នាមជាស្មាតហ្វូនលក់ដាច់បំផុតប្រចាំខែមិនា នៅក្នុងទីផ្សារវៀតណាម។
តាមរបាយការណ៍ពី GfK បានឲ្យដឹងថានៅខែមិនាកន្លងទៅ ស្មាតហ្វូន VinSmart បានឈរនៅលេខ ៣ មានចំណែកទីផ្សាររួម ១៦,៧ ភាគរយ។ នៅចាញ់ក្រុមកំពូលតែ ២ គត់រួមមាន Oppo លេខ ២ មាន ២២,៤ ភាគរយ និង Samsung លេខ ១ មាន ៣០,១ ភាគរយ ពោលមានន័យថា VinSmart ត្រូវការចំណែកទីផ្សារ ៦,៣ ភាគរយបន្ថែមទៀតដើម្បីផ្តួលក្រុមហ៊ុនល្បីឈ្មោះរបស់ប្រទេសចិន។
នៅតែជាសញ្ញាវិជ្ជមានមួយ ដែលស្មាតហ្វូនជាផលិតផលក្នុងស្រុកបានទទួលការគាំទ្រយ៉ាងឆាប់រហ័ស ហើយសន្ទុះនេះសោតក៏យកឈ្នះទៅលើក្រុមហ៊ុនក្រៅស្រុក Vivo ដែលមាន ៧ ភាគរយ និង Apple មាន ៦,៨ ភាគរយ។
ចំណុចរសើបរបស់ស្មាតហ្វូន VinSmart គឺកត្តាតម្លៃ និងលក្ខណៈសម្បត្តិម៉ាស៊ីន ដោយវាមានតម្លៃចន្លោះពី ១ ទៅ ៣ លានដុង ឬប្រមាណ ៤២ ទៅ ១៣០ ដុល្លារ ហើយថ្មីៗនេះ Vsmart Joy 3 ទូរសព្ទតម្លៃធូរចេញលក់បាន ១៤ ម៉ោង លក់ដាច់បាន ១២ ០០០ គ្រឿងឯណោះ៕
អានអត្ថបទ: